12px13px15px17px
Tarix:16/06/11

Bütün otellər internet vasitəsilə sifarişlər qəbul edə biləcəklər

Azərbaycan “Eurovision” mahnı yarışmasına bütün sahələr kimi, yüksək keyfiyyətli mehmanxanaları ilə də hazır olacaq. Bu barədə açıqlama verən Mədəniyyət və turizm naziri Əbülfəz Qarayev bildirib ki, artıq payızda bütün Azərbaycan mehmanxanaları nömrələrin onlayn-bronlaşdırılması xidmətlərinin göstərilməsinə başlayacaq. "Azərbaycandakı bütün mehmanxanalar nömrələrin onlayn-bronlaşdırılması sisteminə qoşulmalıdır", - deyə nazir Ə.Qarayev bildirib.
Onun sözlərinə görə, sentyabr-oktyabr aylarından bütün otellər internet vasitəsilə sifarişlər qəbul edə biləcəklər.
Azərbaycandakı mehmanxanalarda nömrə bronlaşdırmaq asanlaşıb. Belə ki, ölkədə rus, ingilis və Azərbaycan dillərində nömrələrin onlayn-bronlaşdırılması sistemi meydana çıxıb: www.bakutourism.az.
Azərbaycandakı bəzi otellər booking.com da daxil olmaqla, onlayn-bronlaşdırılma üçün dünyanın aparıcı internet portallarında da qeydiyyatdan keçib.
Bu gün Azərbaycanda dünyanın “Нoliday Inn”, “Hilton”, “Park Inn”, “Radisson SAS”, “Ritz-Carlton”, “Missoni” və “Hyatt” kimi mehmanxana operatorları təmsil olunur.
Otellərin əksəriyyəti Bakıda və ölkənin iri şəhərlərində yerləşir. 2010-cu il ərzində mehmanxana xidmətlərinin göstərilməsi üçün lisenziya 21 hüquqi və fiziki şəxsə verilib. Hazırda ölkədə nazirliyin lisenziyası əsasında 295 mehmanxana və mehmanxana tipli obyekt fəaliyyət göstərir. Ötən il dövlət qeydiyyatından 16 mehmanxana və mehmanxana tipli obyekt keçib, nəticədə belə obyektlərin sayı 77-yə çatıb.



Baxış sayı: 3643

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






03 Dekabr 2022

02 12 2022