12px13px15px17px
Tarix:16/05/18

Azərbaycan nümayəndə heyəti "TİBO-2018" beynəlxalq telekommunikasiya sərgi-forumunda iştirak edir

Nəqliyyat, Rabitə və Yüksək Texnologiyalar Nazirliyinin və qurumlarının təmsil olunduğu Azərbaycan nümayəndə heyəti Belarusun paytaxtı Minskdə keçirilən XXV "TİBO-2018" beynəlxalq telekommunikasiya sərgi-forumunda iştirak edir. Nümayəndə heyətinin tərkibinə dövlət, özəl və qeyri-hökumət təşkilatlarından 30-a yaxın təmsilçi daxildir.
 
"TİBO-2018" sərgisində Azərbaycan da daxil olmaqla dünyanın 15 ölkəsindən 100-dən çox şirkət iştirak edir.
 
Qeyd edək ki,  Azərbaycan "TİBO-2018" sərgi-forumunda milli pavilyonla təmsil olunur.
 
Mayın 18-dək davam edəcək sərgiyə təşkil olunan VİP tur çərçivəsində Belarusun baş naziri Andrey Kobyakov və digər rəsmi şəxslər Azərbaycan Milli Pavilyonuna baş çəkib, ölkəmizin İKT sahəsində əldə etdiyi yeniliklərlə tanış olublar.
 
Məlumat üçün bildirək ki, sərgi-forum Belarus Respublikasında hər il keçirilir, informasiya texnologiyaları sahəsində yeni nailiyyətlər və qabaqcıl təcrübə mübadilə üçün qlobal platforma hesab olunur. 
 
 
"TİBO-2018" sərgisinin ekspozisiyasına milli informasiya infrastrukturu, informasiya-kommunikasiya xidmətləri, telekommunikasiya operatorları üçün kompleks həllər, telekommunikasiya şəbəkələrinin layihələndirilməsi və qurulması üzrə xidmətlər, rəqəmli teleradio, internet-yayımı, mobil proqramlar, sosial-mədəni sahədə informasiya texnologiyaları, geoinformasiya və naviqasiya texnologiyaları, robot texnikası kimi sahələr daxildir.
 
 Sərgi-forumunun Təşkilat Komitəsi tərəfindən gənclər arasında sahibkarlığın inkişafı, startaplara dəstək, gənclər arasında İT texnologiyalarının populyarlaşması kimi məsələlərə xüsusi diqqət ayrılıb.
 
"TİBO-2018" çərçivəsində rəqəmli bazarların transformasiyası məsələlərinin müzakirəsi məqsədi ilə Avrasiya qitəsi ölkələrinin ilk rəqəmli forumu keçirilir. Bu tədbir "Bir kəmər, bir yol" təşəbbüsü ilə həyata keçirilən layihələrə bazar və rəqabət üstünlükləri qazandıra bilər.













Baxış sayı: 1543

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






21 Aprel 2019

20 04 2019

20/04/19
"Azərpoçt"MMC problemli kredit sahiblərinə 2 formada kompensasiya verəcək

Aprel ayının 22-dən etibarən problemli kreditinə 500 manatdan aşağı kompensasiya düşən vətəndaşlar 

20/04/19
Ən köhnə messencerlərdən birinin fəaliyyəti dayandırılır

Tezliklə mesajlarla mübadilə üçün ən köhnə xidmətlərdən biri olan “BlackBerry Messenger”in fəaliyyəti dayandırı

20/04/19
Bill Qeytsin sərvəti 100 milyard dolları ötüb

Bill Qeytsin varidatı 20 ildə ilk dəfə 100 milyard dolları ötüb

20/04/19
“Instagram”da layklar ləğv edilə bilər

“Instagram” xidməti paylaşımların altındakı “layk”ların sayını gizlədə bilər