12px13px15px17px
Tarix:17/05/18

Azərbaycanda Ümumdünya Telekommunikasiya və İnformasiya Cəmiyyəti Günü geniş qeyd olunur

Hər il mayın 17-si Beynəlxalq Telekommunikasiya İttifaqının (BTİ) üzvləri tərəfindən Ümumdünya Telekommunikasiya və İnformasiya Cəmiyyəti Günü kimi qeyd edilir.
 
Bu tarixin qeyd olunması Beynəlxalq Teleqraf  İttifaqının – indiki Beynəlxalq Telekommunikasiya İttifaqının – əsasının qoyulması ilə bağlıdır.
 
2005-ci ilədək Beynəlxalq Telekommunikasiya Günü kimi qeyd edilən 17 may tarixini BTİ 2006-cı ilin noyabrında “Ümumdünya Telekommunikasiya və İnformasiya Cəmiyyəti Günü” kimi qeyd etməklə bağlı qərar qəbul edib.
 
Artıq uzun illərdir ki, beynəlxalq səviyyədə dünyanın əksər ölkələrində 17 may tarixi ilə əlaqədar müxtəlif tədbirlərin keçirilməsi ənənə halını alıb.
 
Bu günün əsas məqsədi informasiya-kommunikasiya texnologiyalarından (İKT) istifadənin genişləndirilməsi, eyni zamanda rəqəmli fərqliliyin aradan qaldırılması üçün məlumatlılıq səviyyəsinin yüksəldilməsinə kömək göstərməkdir.
 
2018-ci il üzrə “Ümumdünya Telekommunikasiya və İnformasiya Cəmiyyəti Günü”nün mövzusu “Süni intellekt” seçilib. 
 
Beynəlxalq Telekommunikasiya İttifaqının baş katibi Houlin Cao videomüraciətində bildirib ki, bu gün süni intellekt insanların həyatına böyük təsirə malikdir.
 
Süni intellektin potensial gücü yüksək templərlə inkişaf etdirilir və istifadə olunur. O qeyd edib ki, süni intellekt bizim üçün yeni imkanlar açır, eyni zamanda da qarşımıza bir sıra mürəkkəb vəzifələr qoyur.
 
Baş katibin fikrincə, süni intellekt iqtisadiyyatı və cəmiyyətimizi xeyli dəyişəcək.  “BMT-nin İKT xidmətləri və texnologiyaları sahəsində ixtisaslaşmış təsisatı olan Beynəlxalq Telekommunikasiya İttifaqının məqsədi akademik, elmi-tədqiqat təşkilatları, administrasiya və hökumətlərlə, BMT təsisatları, eləcə də digər maraqlı tərəflər və tərəfdaşlarla birgə süni intellektin inkişafını asanlaşdırmaq və onu hamı üçün faydalı etməkdir”- deyə H.Cao vurğulayıb.
 
Azərbaycan 1992-ci ildən BMT-nin İnformasiya və Kommunikasiya Texnologiyaları üzrə ixtisaslaşmış agentliyi - Beynəlxalq Telekommunikasiya İttifaqının üzvüdür. Təşkilatla əməkdaşlıq çərçivəsində müəyyən olunmuş bütün tələb və tövsiyələrə əməl olunur. Bu istiqamətdə Ümumdünya Telekommunikasiya və İnformasiya Cəmiyyəti Günü də ölkəmizdə geniş qeyd olunur.
 
Belə ki, bu tarixi gün ərəfəsində Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzində Azərbaycan Dövlət Neft və Sənaye Universitetinin tələbələri istehsalat təcrübəsinə cəlb olunublar. Tələbələr 3 ay ərzində təcrübə keçəcəklər. Onlara ilkin mərhələdə nazirliyin bütün qurumlarının fəaliyyətləri ilə tanış olmaq üçün şərait yaradılıb. Daha sonra tələbələr ixtisaslarına və istəklərinə uyğun olaraq təcrübə keçmək istədikləri qurumu seçiblər.
 
Bununla da yetişməkdə olan gənc kadrlar ali təhsil müəssisələrində öyrəndikləri nəzəri bilikləri praktiki işlərdə tətbiq etmək imkanı əldə edirlər. Tək 2018-ci ilin ötən dövrü ərzində Məlumat Hesablama Mərkəzində universitet və kolleclərdən 80-ə yaxın tələbə təcrübədən keçib. Təcrübə müddətində tələbələrlə həm komanda, həm də fərdi şəkildə işlər görülüb. Hər bir tələbənin individual bilik və bacarıqlarına uyğun tapşırıqlar verilib. Ehtiyac yarandıqda onlara mütəxəssislər tərəfindən köməklik də göstərilib.
 
Silsilə tədbirlərin davamı kimi  Nəqliyyat, Rabitə və Yüksək Texnologiyalar Nazirliyi Yüksək Texnologiyalar Parkı tərəfindən “İdeyadan biznesə” layihəsi çərçivəsində Bakı şəhərindəki 23 nömrəli orta məktəbin şagirdləri üçün məlumatlandırıcı təlim və startap müsabiqəsi keçirilib.
 
Təlim çərçivəsində məktəblilər startap komandalarının formalaşması, layihə təqdimatının düzgün hazırlanması, investorlara layihənin satışı yolları, bazarın araşdırılması kimi məsələlərlə bağlı məlumatlandırılıb. 
 
Eyni zamanda, ideyası olan məktəblilər arasında müsabiqə keçirilib. Birinci yerə “Silver Technology”, ikinci yerə “23 School Corporation”, üçüncü yerə isə “Algasoft” layiq görülüb, qaliblər mükafatlandırılıb.
 
Bundan başqa Nəqliyyat, Rabitə və Yüksək Texnologiyalar Nazirliyi, Heydər Əliyev Fondu, Təhsil Nazirliyi və Azərbaycan Milli Elmlər Akademiyasının İnformasiya Texnologiyaları İnstitutunun birgə təşkilatçılığı ilə “Ali məktəb tələbələri arasında İnformatika üzrə Ümumrespublika Olimpiadası” keçirilib.
 
Olimpiadada Bakı Mühəndislik Universiteti I yer, ADA Universiteti II yer, Bakı Dövlət Universiteti III yer, Azərbaycan Respublikasının Prezidenti yanında Dövlət İdarəçilik Akademiyası IV yer tutub. Bakı Ali Neft Məktəbi, Azərbaycan Texniki Universiteti, Azərbaycan Dövlət Aqrar Universiteti, M. V. Lomonosov adına Moskva Dövlət Universitetinin Bakı filialının tələbələri isə Fərqlənmə Sertifikatı ilə təltif olunub.
 
Qaliblərə bu gün Nəqliyyat, Rabitə və Yüksək Texnologiyalar Nazirliyinin “Fəxri Fərman” və “Diplom”ları, eləcə də sponsorların hədiyyələri təqdim olunacaq. 





Baxış sayı: 67

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






14 Avqust 2018

14/08/18
“Google” şirkəti istifadəçiləri izləməkdə təqsirləndirilir

Google şirkəti istifadəçiləri izləməkdə təqsirli bilinir. Prinston universitetində işləyən alimlərin araşdırmasına istinadən 

14/08/18
Bankların iştirakı olmadan həyata keçirilən mobil ödənişlərin həcmi 2 dəfə yüksələcək

“Juniper Research” analitik şirkətinin araşdırmasına görə, mağazalarda məhsul və xidmətlərin ödənişi üçün mobil

14/08/18
Süni intellekt göz xəstəliklərini diaqnozlaşdıracaq

Böyük Britaniyanın süni intellekt tədqiqatları ilə məşğul olan “Google DeepMind” şirkəti torlu qişanın şəklinə görə 50

14/08/18
Mütəxəssislər faks vasitəsilə kompüteri virusa yoluxdurmağa nail olublar

Kibertəhlükəsizlik sahəsi üzrə ixtisaslaşmış “Check Point” şirkətinin mütəxəssisləri tərəfindən çoxfunksiyalı qurğul

14/08/18
“Android” sisteminin idarəetməsi altında işləyən ən təhlükəli smartfonlar bəlli olub

“LG”, “Asus”, “Essential”, “ZTE”, “Sony” və başqa şirkətlər tərəfindən istehsal edilmiş və

14/08/18
“Parker Solar Probe” zondu Günəş atmosferini öyrənəcək

ABŞ Kosmik Agentliyi (NASA) Günəş atmosferinin tədqiqi üzrə missiya üçün “Parker Solar Probe” kosmik zondunu ik

13 08 2018

13/08/18
Ucuz “Nokia 2.1” smartfonu satışa çıxarılıb

“Nokia” brendi üzərində hüquqlara sahib “HMD Global” şirkəti Rusiyada “Nokia 2.1” smartfonunun satışına

13/08/18
Estoniya Gen Fondunda robot işə başlayıb

Estoniya Gen Fondu robotu işə qəbul edib

13/08/18
“Windows” sistemində şübhə doğuran proqramların yoxlanılması üçün təhlükəsiz mühit əlçatan olacaq

“Windows 10” əməliyyat sistemində daxilində təhlükəli proqramların yoxlanılması mümkün olan təcrid olunmuş 

13/08/18
Massaçusets Texnologiya İnstitutu Yüksək Texnologiyalar Parkı ilə birgə startap layihələri reallaşdıracaq

Massaçusets Texnologiya İnstitutunun (MTİ) “Qlobal Startap Labaratoriya”sının rəhbəri

13/08/18
“WhatsApp” yazışmada “end-to-end” şifrləmə texnologiyasından imtina edəcək

“WhatsApp” messencerində istifadəçilərin yazışmasında “ent-to-end” şifrləmə texnologiyasından imtina ediləcək

13/08/18
Almaniyada kibertəhlükəsizlik agentliyi yaradılacaq

Almaniya hökuməti İnnovasiyalar və Kibertəhlükəsizlik üzrə Agentlik adlanacaq yeni milli struktur yaradır

13/08/18
Bu ilin ən keyfiyyətsiz smartfonları açıqlanıb

Ekspertlər istifadəçiləri əldə etdikdən sonra məyus edə biləcək 2018-ci ilin 5 ən keyfiyyətsiz smartfonunu açıqlayıblar