12px13px15px17px
Tarix:29/05/18

Bakıda “IDC” beynəlxalq tədqiqat şirkətinin “İnnovasiyalar haqqında hər şey” mövzusunda konfransı keçirilib

Bu gün Bakıda Nəqliyyat, Rabitə və Yüksək Texnologiyalar Nazirliyinin dəstəyi ilə "IDC DX Day Roadshow 2018: İnnovasiyalar haqqında hər şey" mövzusunda beynəlxalq konfrans keçirilib.

Konfrans çərçivəsində "Bulud"ların rəqəmli transformasiyada rolu", "Təhlükəsiz rəqəmli transformasiyanı necə təmin etməli?", "Əşyaların interneti" platformaları və şəxsi texnologiyalar", "İritutumlu məlumatların analizi üzrə layihələr üçün informasiya texnologiyaları sahəsinə investisiyaları necə strukturlaşdırmaq olar?", "Təhlükəsiz mobil iş yeri – məlumatlarla istənilən yerdə və istənilən vaxt işləmə", "Süni intellekt – səmərəliliyin artırılmasında növbəti addım" kimi məsələlər əsas müzakirə mövzuları olub.

Konfransda çıxış edən nəqliyyat, rabitə və yüksək texnologiyalar nazirinin müavini Elmir Vəlizadə Azərbaycanda informasiya-kommunikasiya texnologiyaların tətbiqinin genişləndiyini, bu səbəbdən kiber təhlükəsizlik məsələlərinin mühüm rol oynadığını və bu sahəyə dövlət səviyyəsində diqqət göstərildiyini vurğulayıb. Hazırda kibertəhlükəsizlik üzrə milli strategiya hazırlandığını deyən E.Vəlizadə bu prosesə Nəqliyyat, Rabitə və Yüksək Texnologiyalar Nazirliyinin və digər aidiyyatı qurumların cəlb olunduğunu bildirib.

Nazir müavini həmçinin, Azərbaycanda əlaqələndirici orqan olan İnformasiya Təhlükəsizliyi üzrə Komissiyanın yaradıldığını da iştirakçıların nəzərinə çatdırıb.

"İndiyədək qanunvericiliyə uyğun olaraq bu vəzifələr müxtəlif dövlət strukturları arasında bölünmüşdü. Bu gün isə yeni Komissiya koordinasiyanın yaxşılaşdırılmasına və dövlət orqanlarının daha effektiv operativliyinin və birgə fəaliyyətinin təmin edilməsinə xidmət edəcək", – deyə nazir müavini qeyd edib.

E.Vəlizadə vurğulayıb ki, bu istiqamətdə növbəti addım, həmçinin "rəqəmli hökumət"ə keçid konsepsiyasının hazırlanmasıdır. "Bu konsepsiyanın həyata keçirilməsi ölkədə bütün sektorları və həyat fəaliyyəti sahələrini əhatə edəcək. Hər yeni texnologiya sayəsində informasiya təhlükəsizliyi ilə əlaqədar müəyyən risklər yaranır. Hər bir insan və informasiya təhlükəsizliyi üzrə hər bir mütəxəssis mövcud rəqəmli tələblərə əməl etməli və gələcəkdə onları öz fəaliyyətində tətbiq etməyə çalışmalıdır. Ümid edirik ki, birgə səylərlə biz bu məqsədlərə nail olacağıq. Bu, çox böyük və vacib vəzifədir və bizim üçün yerli təşkilatlar və "IDC" kimi beynəlxalq şirkətlər arasında əməkdaşlığın qurulması mühüm əhəmiyyət kəsb edir".

Nazir müavini onu da qeyd edib ki, Azərbaycan informasiya təhlükəsizliyi sahəsində yüksək peşəkarlığa malik mütəxəssisləri ilə məşhurdur. "Demək olar ki, müstəqillik dövründə ölkədə informasiya təhlükəsizliyi ilə əlaqədar ciddi insident baş verməyib. Bu da mütəxəssislərin yüksək səviyyəyə malik olmasının göstəricisidir. Lakin fəaliyyətin əlaqələndirilməsinin yüksəldilməsini tələb edən müəyyən məqamlar mövcuddur. Ümid edirik ki, tərəfimizdən hazırlanan sənədlər buna xidmət edəcək", – E.Vəlizadə əlavə edib.

Konfransda, həmçinin "IDC" şirkətinin Mərkəzi Asiya, Azərbaycan və Monqolustan üzrə regional direktoru Andrey Beklemişev, "Lenovo Datacenter Group" şirkətinin Mərkəzi Asiya ölkələrində və Azərbaycanda Korporativ satışlar departamentinin rəhbəri Rasim Baxşı, "Check Point Software Technologies Ltd" şirkətinin təhlükəsizlik üzrə məsləhətçisi Aleksandr Rapp, "Qualys" şirkətinin Şərqi Avropa, Qafqaz və Mərkəzi Asiya üzrə idarəedici direktoru Pavel Sotnikov və başqaları çıxış ediblər.












Baxış sayı: 406

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






22 Sentyabr 2018

22/09/18
Bu şirkətin istehsalı olan modemlər “Windows” istifadəçilərinin təhlükəsizliyini zərbə altına qoyur

“Alcatel” şirkətinin istehsalı olan “EE 4GEE” adlı simsiz modemlərdə aşkar edilmiş təhlükəli boşluq hakerə 

22/09/18
“Instagram”da dərclərin göstəriləcəyi ölkələri seçmək mümkün olacaq

“Facebook” sosial şəbəkəsinə məxsus olan “Instagram” xidməti istifadəçilərə öz dərclərinin müəyyən ölkə&

22/09/18
2018-ci ildə dünyada süni intellekt sürətləndiricisinə malik smartfonların payı 30%-i ötəcək

“Digitimes Research” tədqiqat şirkətinin proqnozuna görə, 2018-ci ilin dördüncü rübündə dünyada sü

21 09 2018

21/09/18
Sumqayıtın ən innovativ startap layihələri bəlli oldu

Bu gün Sumqayıt şəhərində “İdeyadan Biznesə” layihəsi çərçivəsində startap turu keçirilib.

21/09/18
Maliyyə şirkətləri kiberhücumlarla mübarizəni gücləndirib

Banklar və sığorta şirkətləri 2018-ci ildə kiberhücumların 81 faizinin qarşısını almağa nail olublar

21/09/18
Nazir Ramin Quluzadə Qazaxda vətəndaşlarla görüşüb

Azərbaycan Respublikası Prezidentinin tapşırıq və tövsiyələrinə uyğun olaraq, Nəqliyyat, Rabitə və Yüksək Texnologiyalar 

21/09/18
“Android” sistemində aşkar edilmiş boşluqlara görə 3 milyon dollardan çox ödəniş edilib

“Google” şirkəti 2015-ci ildə “Android Security Rewards Program” proqramını istifadəyə verib. Axtarış 

21/09/18
Yeni texnologiya qonşu otaqdakı insanları təyin etməyə kömək edəcək

Kaliforniya Universitetinin professoru Yasamin Mostofinin rəhbərliyi altında çalışan mühəndislər komandası 

21/09/18
“Amazon” şirkəti səsli köməkçi sisteminə malik cihazlar təqdim edib

“Amazon” şirkəti “Alexa” səsli köməkçisi və "ağıllı ev" idarəetməsi ilə təchiz edilmiş bir neçə

21/09/18
“Xiaomi” şirkəti ucuz noutbuk təqdim edəcək

“Xiaomi” şirkəti “Xiaomi Notebook Youth Edition” adlı ən ucuz noutbukunu elan edib. Noutbukun qiyməti 

21/09/18
Süni intellektli “Xiaomi” zəngli saatı təqdim olunub

Çinin “Xiaomi” şirkəti süni intellektli köməkçi funksiyaya malik “Xiao AI Smart Alarm Clock