12px13px15px17px
Tarix:19/07/18

“Google” Atlantik okeanından internet kabeli çəkəcək

"Google" şirkəti 2020-ci ilədək Transatlantik internet kabel xəttini istifadəyə verməyi planlaşdırır.
 
"ICTnews" Elektron Xəbər Xidməti "Belta www.belta.by" resursuna istinadən yazır ki, internet nəhəngi bununla "Microsoft" və Amazon" şirkətləri ilə mübarizədə rəqabətqabiliyyətliliyi artırmaq niyyətindədir.
 
Məlumata görə, layihə Qırmızı Xaç Cəmiyyətinin təsisçisi və ilk Nobel mükafatı laureatı Anri Düranın şərəfinə "Dunant" adlandırılıb. Adətən belə layihələr bir neçə şirkət tərəfindən dəstəklənir. Lakin "Dunant" telekommunikasiya sahəsini təmsil etməyən və bir şirkətə məxsus olan ilk kabel xətti olacaq.
 
"Google" şirkətinin top-meneceri Ceyn Stouell bildirib ki, kabel Atlantik okeanı ilə şəbəkənin buraxılış qabiliyyətini artıraraq internetin ən çox yüklənən istiqamətini tamamlayacaq və "Google Cloud" virtual platformasını genişləndirməyə kömək edəcək.
 
Nizam Nuriyev




Baxış sayı: 47

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






21 Oktyabr 2019

20 10 2019