12px13px15px17px
Tarix:27/10/11

“Facebook” İsveçdə iri data mərkəz açır

Dünyanın ən böyük sosial şəbəkəsi olan “Facebook” ABŞ-dan kənarda yerləşəcək ilk data mərkəzini açacaq. Şirkət data mərkəzi İsveçdə, daha dəqiq ölkənin şimal hissəsində, qütb dairəsindən təxminən 100 kilometr məsafədə yerləşən böyük Luleo şəhərində açacaq.

“Facebook”dan bildiriblər ki, data mərkəzin İsveçdə yerləşməsi bir neçə səbəblə bağlıdır: birincisi, İsveçin iqlimi elədir ki, data mərkəzi soyutmaq üçün xüsusi kondisionerlərə ehtiyac yoxdur və ikincisi, burada Luleo çayında su-elektrik stansiyasından alınan kifayət qədər ucuz elektrik var.

“Facebook”un data mərkəzinin yerləşəcəyi məkanda serverlərin soyudulması ya ümumiyyətlə, tələb olunmur, ya da minimum tələb olunur.

Luleo şəhərində orta illik temperatur cəmi 2 dərəcə təşkil edir, son 50 il ərzində yayda temperaturun 30 dərəcədən yuxarı olduğu cəmi 24 saat təşkil edib. Beləliklə, yeni data mərkəz dünyada ən enerji-effektivlərdən biri olacaq.



Baxış sayı: 892

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






23 Oktyabr 2021

22 10 2021