İKT

Tarix:02/11/11

“Nokia” şirkəti 2012-ci ildə ABŞ-da aktiv fəaliyyətə başlamaq niyyətindədir

“Nokia” şirkəti 2012-ci ilin əvvəlində Amerika bazarına qayıtmaq və burada bazarın əhəmiyyətli hissəsini tutmaq niyyətindədir. Bu barədə şirkətin baş direktoru Stiven Elop bildirib.

“Bloomberg” agentliyinə verdiyi müsahibəsində o bildirib ki, 2011-ci ilin sonuna kimi şirkət Avropa, Rusiya və Asiyanın bəzi ölkələrinin bazarlarında yaxın vaxtlarda elan edilmiş smartfonları təqdim edir, halbuki ABŞ-a “Windows Phone 7.5” əməliyyat sistemi ilə işləyən yeni “Lumia” smartfonları 2012-ci ildə gələcək.

"Bizim planımız rəqabətə davamlı olmaq və bazarlarda yaxşı qurğular təklif etməkdən ibarətdir. Hal-hazırda bizə bazarın əhəmiyyətli hissəsini tutmaq və qurğuları münasib qiymətlərə satmaq lazımdır" - Stiven Elop bildirib.

“Bloomberg” qeyd edib ki, “Windows Phone” platforması “Nokia” şirkəti üçün smartfon bazarında əhəmiyyətli hissə tutmaq üçün son şansdır.

Baxış sayı: 694