12px13px15px17px
Tarix:11/11/11

TASİM-in işçi qrupu 2012-ci ilin martında Budapeşt şəhərində toplaşacaq

“Trans Avrasiya Super İnformasiya Magistralı” layihəsinin iştirakçılarının iclası 2012-ci ilin mart ayında Budapeşt şəhərində keçiriləcək.

TASİM layihəsinin işçi qrupunun rəhbəri İlyas Nayıbovun sözlərinə görə, bununla bağlı qərar TASİM layihəsində iştirak edənlərin noyabr ayının əvvəlində İstanbul səhərində keçirilən işçi toplantısında qəbul edilib. Nayıbovun dediyinə görə, bu toplantı çox konstruktivdir.

Toplantıda qarşılıqlı anlaşma memorandumunun hazırlanması ilə bağlı məsələlər də müzakirə olunub.“Toplantıda iştirak edənlər bazarın həcmi, rabitə kanallarının tutumu və layihənin idarə edilmə strukturuna aid olan məsələləri müzakirə ediblər.

Biz istərdik ki, tərəflər qarşılıqlı anlaşma memorandumunu “BakuTel-2011” sərgisindən əvvəl hazırlayıb imzalasınlar.

Lakin, sənəd çox mürəkkəb olduğuna görə bizə əlavə vaxt lazım ola bilər. TASİM layihəsinin işçi qrupu Azərbaycan, Rusiya, Qazaxıstan, Türkiyə və Çindən olan nümayəndələrdən ibarətdir.

Gürcüstan və Ukrayna da TASİM layihəsinə qoşulmaq arzusunda olduqlarını bildiriblər. Layihə iki magistral xəttin çəkilməsini nəzərdə tutur.

Onların biri Ukraynanın, digəri isə Türkiyənin ərazisindən keçəcək. Magistral xətlər müstəqil və bir-birini əvəz edən olacaqlar. Bu ölkələrin operatorları digər ölkələrə Avropanın ən iri operatorları ilə əlaqəyə girməyə imkan yaradacaqlar. TASİM-in ötürmə qabiliyyəti terabaytlarla ölçüləcək.



Baxış sayı: 1383

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024