İKT

Tarix:15/11/11

“Amazon” şirkətinin yeni planşeti satışa çıxarılıb

“Amazon” şirkəti büdcəyə uyğun “Kindle Fire” planşetinin satışına planlaşdırılmış müddətdən tez başlayıb. Qurğunun internet mağazaya noyabr ayının 15-də daxil olacağı bildirilmişdi, lakin faktiki satışlar noyabr ayının 14-dən başlanıb.

“Kindle Fire” yalnız ABŞ ərazisində satılır. Qurğunun qiyməti 199 dollar təşkil edir. Planşeti “Amazon” saytından almaq olar. Planşet 7 düymlü 1024x600 nöqtə kəskinlikli rəngli sensor ekranla və 1 QHZ takt tezlikli ikinüvəli prosessorla təchiz edilib.

Daxili yaddaş tutumu 8 qiqabayt təşkil edir. “Kindle Fire” planşeti “Wi-Fi” moduluna malikdir, lakin “3G” şəbəkələrinə qoşula bilmir. Aparat “Android 2.3” platformasının dəyişilmiş versiyası ilə işləyir.

Baxış sayı: 1091