12px13px15px17px
Tarix:15/11/11

ABŞ sürətli şəbəkə istifadəyə verir

ABŞ Energetika Nazirliyi bu gün rəsmi olaraq yeni “Advanced Networking İnitiative” kompyuter şəbəkəsini elan edir. Yeni şəbəkə 100 Qbit/san sürətində olan 3 superkompyuter mərkəzini birləşdirir.

Yeni şəbəkə bir sıra innovasiya texnologiyalarından istifadə edir. Bu texnologiyalar hazırda istifadə edilən ən qabaqcıl ticarət internet-şəbəkələri ilə nisbətdə 10 dəfə daha sürətli işləməyə imkan yaradır.

ABŞ Energetika Nazirliyinin katibi Stiven Çunun sözlərinə əsasən, supersürətli şəbəkənin yaradılmasına çəkilmiş xərclər 62 milyon dollar təşkil edib. Gələcəkdə belə həllər əsasında ticarət provayderlərinin işi üçün magistral internet-şəbəkələr yaratmaq planlaşdırılır.

İstehsalçılar bildiriblər ki, belə sürətli şəbəkələr operatorlara istifadə edilən fiziki kanalların sayını azaltmağa və routerlərə ehtiyacı azaltmağa imkan yaradacaq.

“Advanced Networking İnitiative” şəbəkəsi ilk mərhələdə İllinoys ştatındakı “Arqon” laboratoriyasını, Tennessi ştatındakı “Okric” laboratoriyasını və Kaliforniyadakı “Lourens” laboratoriyasını birləşdirəcək. 2012-ci ilin sonuna kimi şəbəkə Energetika Nazirliyi strukturları arasında informasiya mübadiləsi üçün nəzərdə tutulmuş “Energy Sciences Network” sisteminə daxil olan bütün laboratoriya və hesablama mərkəzlərini əhatə edəcək.

ABŞ Energetika Nazirliyinin bəyanatına əsasən, şəbəkə smartfon üzrə adi “3G” əlaqədən təxminən 50000 dəfə daha sürətli işləyir.



Baxış sayı: 868

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Oktyabr 2021

27 10 2021