12px13px15px17px
Tarix:26/07/19

İnsanlar üçün mexaniki quyruq yaradılıb

Yaponiyanın Keyo Universitetinin tələbələri insanlara onurğalı heyvanların eyni hislərini keçirməyə imkan verəcək "Arque" adlı mexaniki quyruq yaradıblar. Qurğunun konseptinin iyulun 28-də Los-Ancelesdə keçiriləcək "SIGGRAPH 2019" beynəlxalq kompüter qrafikası, animasiya və interaktiv texnologiyalar sərgisində təqdim ediləcəyi gözlənilir.
 
"ICTnews" Elektron Xəbər Xidməti "Vesti www.vesti.ru" resursuna istinadən yazır ki, "Arque" bədənin balansını avtomatik dəyişən uzunluğu və çəkisi tənzimlənən belə bağlanan quyruqdur. Konstruksiyanın daxilində səkkiz istiqamətdə güc göstərmək iqtidarında olmaqla insana sabit mövqeyini qoruyub saxlamağa kömək edən dörd pnevmatik "əzələ" quraşdırılıb.
 
"Arque" müxtəlif yerlərdə tətbiq edilə bilər: onu reabilitasiya məqsədləri, yaşlı insanlara hərəkət etməkdə və ya anbar işçilərinə ağır əşyaların yerinin dəyişdirilməsində kömək üçün istifadə etmək olar. Bundan başqa, mexaniki quyruq videooyunlarda (məsələn, istifadəçi qarşısında ayaq üstə qalmaq vəzifəsi qoyulanda) tətbiq ediləcək.
 
Nizam Nuriyev







Baxış sayı: 1045

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024