İKT

Tarix:22/11/11

Dünyanın rəngli ekranlı ilk rideri

“Qualcomm” şirkəti dünyada “Mirasol” rəngli ekranla təchiz edilmiş ilk riderin satışlarına başlayıb. 310 dollar dəyərində olan “Kyobo e-Reader” adlı qurğunu hələ ki yalnız “Kyobo” Cənubi Koreya kitab mağazaları şəbəkəsindən almaq mümkündür. Qurğu “Android 2.3” əməliyyat sistemi ilə işləyir.

“Kyobo e-Reader” rideri 5,7 düymlü 1024x768 piksel kəskinlikli sensor ekrana malikdir. “Mirasol” ekranları rəngli təsviri əks etdirə bilir, səhifələrin sürətli yenilənməsi və aşağı enerji istehlakı ilə fərqlənirlər.

Qurğu 1 QHz takt tezlikli birnüvəli “Qualcomm Snapdragon S2” prosessoru, 512 MB əməli yaddaş və 2 QB daxili yaddaş, “microSD” slotu ilə təchiz edilib. Riderin qalınlığı 13 millimetri ötmür və qurğunun çəkisi təxminən 340 qramdır.

Baxış sayı: 1476