12px13px15px17px
Tarix:02/12/11

Azərbaycanda TV “online” ödənişə keçdi

Azərbaycanda xidmətlərin “online” ödənişi genişlənir. Artıq TV xidmətləri təqdim edən “Ailə TV” kabel televiziyası operatoru abonentlərin xidmət haqqını ödəmələrini rahatlaşdırmaq məqsədi ilə onlayn ödəniş sistemi tətbiq edəcək.

 

Bu məqsədlə “Azeri Card” və “Golden pay” şirkətləri ilə razılıq əldə edilib və hazırda müvafiq texniki işlər görülür. Bu ödəniş sisteminin üstünlükləri ondan ibarətdir ki, abonent evindən çıxmadan internet vasitəsi ilə “Ailə TV”-nin rəsmi İnternet saytı olan http://aile.tv/ internet ünvanına daxil olacaqlar və “Visa”, “Master Card”, “Maestro Card” plastik kartları vasitəsi ilə ödəniş edəcəklər.

 

“Online” ödəniş həyata keçirildikdən sonra “Ailə TV” kabel televiziyasının xidmətləri aktivləşəcək. “Online” ödənişlə yanaşı, abonentlər şəhərin müxtəlif nöqtələrində yerləşən elektron köşklər vasitəsi ilə də ödəniş həyata keçirə biləcəklər.

 

Qeyd edək ki, “Ailə TV” kabel televiziyası operatoru bu ilin sonuna kimi ödəniş kartlarını da satışa çıxarmağı planlaşdırır. Bundan əlavə, yaxın gələcəkdə “Ailə TV”-nin abonentləri SMS göndərmək vasitəsi ilə də ödənişlərini həyata keçirə biləcəklər.





Baxış sayı: 1007

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






26 Oktyabr 2021

25 10 2021