12px13px15px17px
Tarix:05/12/11

Azərbaycanda stasionar müəssisələrdə elektron nəzarət sistemi tətbiq edilir

Azərbaycan Səhiyyə Nazirliyi 2012-ci il yanvarın 1-dən nazirliyin tabeliyində olan bütün stasionar tibb müəssisələrinin fəaliyyətinə elektron nəzarət sisteminin tətbiqinə başlayacaq. Bu barədə nazirliyin saytında yerləşdirilən məlumatında deyilir.

 

Məlumata əsasən, bununla bağlı respublika üzrə tibb müəssisələrinin rəhbərləri və statistik şöbələrin işçiləri üçün təşkil olunan təlimlər 2011-ci il dekabrın 16-dək davam edəcək.

 

Əvvəllər nazirlik tərəfindən dərman preparatlarının keyfiyyətinə elektron nəzarət sistemi tətbiq edilib. Yaxın vaxtlarda dərman preparatlarının reyestri Azərbaycan Səhiyyə Nazirliyi yanında Dərman Vasitələrinin Analitik Ekspertiza Mərkəzinın rəsmi internet resursuna inteqrasiya ediləcək.

 

Reyestrin inteqrasiyası istehlakçılara aldıqları dərman preparatlarının keyfiyyət uyğunluğunu yoxlamağa, seriya nömrəsi üzrə axtarış verməyə imkan yaradacaq.

 

Bu gün Azərbaycana rəsmən tədarük olunan hər bir dərman preparatı mərkəzin laboratoriyasında yoxlamadan keçirilir, bundan sonra ona müalicə zamanı istifadədə təhlükəsizliyi təmin edən keyfiyyət sertifikatı verilir.

 

Preparatın seriyası məlumat reyestrinə daxil edilir. Dərmanlar haqqında məlumatın təqdim olunmasının yeni qaydası əczaçılıq bazarının bütün iştirakçıları üçün prosedurların şəffaflığını təmin edir.





Baxış sayı: 1068

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024