İNTERNET

Tarix:07/05/20

Pandemiya şəraitində internet trafikin həcmi üç dəfə artıb

“COVID-19” pandemiyası həyatımızı köklü şəkildə dəyişdirdi. Bu dəyişikliklər bütün dünyaya öz təsirini göstərib və eyni zamanda "rəqəmli fərq" daha açıq-aydın görsəndi, çünki indiyədək dünyada 3,6 milyard nəfər internetə çıxışa malik deyil.

“ICTnews” Elektron Xəbər Xidməti “news.un.org” saytına istinadən yazır ki, bu haqda Cenevrədə Beynəlxalq Telekommunikasiya İttifaqının (BTİ) aparıcı ekspertləri koronavirus pandemiyasının nəticələri ilə bağlı jurnalistlər üçün onlayn-brifinqdə bildiriblər.

"Biz uzun müddətdir rəqəmli cəmiyyətdə yaşayırıq, ancaq heç vaxt düşünə bilməzdik ki, bizi evdə oturmağa və bir-birimizlə ünsiyyət qurmaq, iş və biznesin idarə edilməsi üçün rəqəmli texnologiyalardan istifadə etməyə məcbur edəcəklər. Bu, tamamilə yeni bir şeydir” – BTİ-nin baş katibi Houlin Çjao deyib.

"Həmçinin etiraf etməliyik ki, indiki şəraitdə İKT xidmətlərini və şəbəkələrini idarə etmək o qədər də asan məsələ deyil. Heç kim internetdə trafikin həcminin 3 dəfə artacağını təsəvvür edə bilməzdi" – Çjao deyib.

Əvvəllər genişzolaqlı rabitə əsasən şəhər ofislərində istifadə olunurdu, indi isə şəhərətrafı və kənd yerlərində ona böyük tələbat var, çünki indi sakinlər evi tərk etmədən təhsil alır və işləyirlər. Çjaonun sözlərinə görə, bu, böyük problemlər yaradır.

Emil Hüseynov

Baxış sayı: 3590