12px13px15px17px
Tarix:07/12/11

“Apple” korporasiyasının yeni "kosmik" ofisi

“Apple” şirkəti bu gün yeni "kosmik" ofis haqqında məlumat dərc edib. Şirkət ofisi özü üçün doğma olan Kupertino (Kaliforniya ştatı) şəhərində açmağı planlaşdırır. “Apple” şirkəti ikinci əsas ofis binasının yaradılması layihəsini  hələ 1 il yarım əvvəl planlaşdırmışdı, həm də o zaman bu işə şəxsən mərhum Stiv Cobs nəzarət edirdi.

Bu gün Kupertino şəhər şurasının saytında “Apple” korporasiyasının yeni binası haqqında daha ətraflı məlumatlar yerləşdirilib. Şirkət binanı "yerə enmiş kosmik gəmi" və ya "nəhəng bublik" ilə müqayisə edir.

Əvvəlki məlumatlara əsasən, “Apple” korporasiyasının yeni ofisində  təxminən 12000 insan çalışmalıdır. Yeni kampusun əsas xüsusiyyətlərindən biri özü üçün elektrik enerjisi yaratmasıdır. Yeni bina 4 mərtəbəli olacaq.
“Apple” korporasiyası bu ərazini “Hewlett-Packard” şirkətindən satın alıb.

Bu ərazini 1969-cu ildə “HP” şirkətinin ehtiyacı ilə bağlı  Devid Pakkard və Bil Xyulett  satın alıblar. “Apple” rəhbəri qeyd edib ki, yeni binada kifayət qədər böyük avtodayanacaq olacaq, lakin kampusun təxminən 80%-i  yaşıllıq olacaq. Avtodayanacağın genişlənməsinə ehtiyac olsa, yeraltı mərtəbə yaradılacaq.




Baxış sayı: 1080

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024