12px13px15px17px
Tarix:02/09/20

ABŞ və Honkonqu birləşdirən internet kabelinin çəkilişi dayandırılıb

ABŞ-ın “Google” və “Facebook” şirkətləri ABŞ və Honkonq arasında “Pacific Light Cable Network” sualtı internet kabelinin çəkilişi ilə bağlı planlardan imtina ediblər. “Bloomberg” resursunun məlumatına görə, Donald Tramp administrasiyası Pekinin kabeldən ABŞ vətəndaşları haqqında informasiyanın toplanılması üçün istifadə edə biləcəyini bəyan edib.
 
“ICTnews” Elektron Xəbər Xidməti “Servernews www.servernews.ru” resursuna istinadən yazır ki, şirkətlər ABŞ Federal Rabitə Komissiyasına (FCC) edilən əvvəlki müraciəti geri götürərək ötən həftənin sonunda yenisini təqdim ediblər. Həmin sənəddə layihənin əvvəlki tərəfdaşı – Honkonqun “Pacific Light Data Communication” (PLDR) şirkəti sadalanmayıb.
 
“Google”, “Facebook” və “PDLR” 2017-ci ildə ilkin olaraq “Pacific Light Cable Network” adlı layihə təklif ediblər. Əvvəlcə ABŞ-ın qərb sahilindən Tayvan, Filippin və Honkonqadək 13 900 km sualtı kabelin çəkilməsi planlaşdırılmışdı. O, Honkonq və ABŞ-ı birbaşa birləşdirən ilk sualtı kabel xətti kimi təqdim edilib. Lakin 2017-ci ildə “PDLR” şirkəti “Huawei” istehsalçısına bağlı Pekinin “Dr. Peng Telecom & Media Group” genişzolaqlı internet provayderinin mülkiyyətinə keçib ki, bu da ABŞ xüsusi xidmət orqanlarının narahatlığına səbəb olub. Bir il əvvəl layihənin ABŞ sanksiyaları altına düşməsi təhlükəsi yaranıb. Həmin vaxtadək isə 11 min km kabel çəkilmişdi. 2020-ci ilin fevralında “Google” və “Facebook” kabelin Honkonq və Çinə gedən hissələrinin itirilməsi ilə barışmalı olub.  
 
Şirkətlərin yeni müraciətində də kabelin Tayvan və Filippində yerüstü məntəqələrə çıxarılması nəzərdə tutulur. ABŞ Milli Təhlükəsizlik Agentliyi və Ədliyyə Nazirliyi tərəfindən komissiyaya layihənin ABŞ-ın qeyd olunan ərazilərlə sualtı kabel vasitəsilə birləşdirilməsinə aid bölmələrinin təsdiqlənməsi tövsiyə olunub.
 
Nizam Nuriyev




Baxış sayı: 2267

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






30 Noyabr 2020

30/11/20
Süni intellekt texnologiyalarından gəlir 101,8 milyard dollara çatacaq

“ResearchAndMarkets” şirkəti 2030-cu ilədək informasiya təhlükəsizliyi bazarında süni intellekt texnologi

30/11/20
Fırıldaqçı viruslar vasitəsilə həyata keçirilən kiberhücumların sayı kəskin artıb

2020-ci ilin ilk on ayı ərzində dünyada minlərlə şirkət fırıldaqçı viruslar vasitəsilə həyata keçirilən

30/11/20
Çin Ayda tədqiqat stansiyası tikəcək

Çin Ay proqramının icrasının dördüncü mərhələsi çərçivəsində Ayda elmi tədqiqat stansiyasının

30/11/20
Dünyada ən kiçikölçülü daşıyıcı hazırlanıb

Memristorlar müasir tranzistorları əvəz edəcək ən perspektivli texnologiyalardan biri hesab edilir. Aliml

30/11/20
Növbəti “iPhone” modelləri fiziki çıxışlarla təchiz edilməyəcək

Növbəti “Apple” smartfonu fiziki çıxışlarla təchiz edilməyəcək. Bu barədə məşhur bloger Con Prosserin “Yo

30/11/20
İnternetdə qeydiyyatdan keçmiş domen adlarının sayı hesablanıb

Hər il internetdə saytların sayı sürətlə artır. Aparıcı domen adları provayderlərindən biri olan “VeriSig

29 11 2020