Tarix:16/12/11

Daha bir operatot Azərbaycanda kabel internet xidmətlərinin göstərilməsinə başlayır

KATV1 kabel televiziyası operatoru kabel internet xidmətlərini göstərməyə başlayıb. Bu barədə cümə axşamı Trend-ə operatorun mətbuat xidmətinin rəhbəri Hüseyn Hüseynzadə deyib.

Kabel internet xidmətləri ayın sonunadək KATV1 şəbəkəsinin istifadəçiləri üçün əlçatan olacaq.Hüseynzadə bildirib ki, xidmətlərin dəyərinə gəldikdə, baza yayım paketi ilə 2 Mbit/saniyəlik minimum paket 16 manata başa gələcək.

Bu gün baza yayım paketinin qiyməti 9 manat təşkil edir.Onun sözlərinə görə, şirkət tərəfindən korporativ səviyyədə aparılan internet xidmətlərinin test sınaqlarının nəticələri olduqca uğurlu olub.

"Hazırda Bakı şəhərinin Nərimanov rayonunda, eləcə də 1-ci və 9-cu mikrorayonlarda xidmət göstərilir. Paytaxtın bu rayonlarında yaşayan abunəçilər artıq yaxın müddətdə kabel internet xidmətlərinə qoşula biləcəklər", - Hüseynzadə bildirib.

Hüseynzadənin əvvəl dediyinə görə, xidmətlər işə salındıqdan sonra kabel modemləri abunəçilərə pulsuz şəkildə veriləcək. Bir şərtlə ki, onlar birbaşa KATV1 şəbəkəsində istifadə edilsin.

Baxış sayı: 1348

© İstifadə edilərkən İctnews-a istinad olunmalıdır