12px13px15px17px
Tarix:16/12/11

Azərbaycanda fiziki məhdudiyyətli şəxslər üçün xüsusi internet səhifəsi yaradılıb

 Bu gündən Azərbaycanda fiziki məhdudiyyətli şəxslər üçün xüsusi internet səhifəsi istifadəyə verilib. Sözügedən internet səhifəsini yaradan bir neçə gəncdən ibarət «Əngəlsiz Həyat» təşəbbüs qrupundan verilən məlumata görə, www.engelsiz.az saytı hərəkət etmək, görmək, eşitmək, danışmaqda çətinlik çəkən şəxslərə bir çox sahədə dəstək olacaq.
 
«Əngəlsiz Həyat» layihəsinin əsas məqsədi fiziki məhdudiyyəti olan şəxslərin aktiv sosial həyata inteqrasiyasına dəstək olmaqdır. Sayt vasitəsilə həmin şəxslərə öz bilik, bacarıq və qabiliyyətlərinə uyğun iş tapmaqda kömək olunacaq.

Layihə həmçinin fiziki məhdudiyyətləri olan insanların təhsil almasına (treninq və kurslar, təhsil materialları, görmə qabiliyyəti məhdud olan şəxslər üçün xüsusi kitablar və materiallar, həmçinin hərəkət üçün vasitələr ilə təmin edilməsinə) dəstək olacaq.
 
Sayt öz bilik, bacarıq, təcrübə və maddi imkanlarından istifadə edərək fiziki məhdudiyyətləri olan şəxslərə dəstək olmaq istəyənlər üçün körpü rolunu da oynayacaq.
 




Baxış sayı: 1236

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Oktyabr 2021

27 10 2021