12px13px15px17px
Tarix:16/12/11

Azərbaycanda yeganə informasiya texnologiyaları tədrisi verən “ilkaddimlar.com” portalının yeni versiyası hazırlanıb

Azərbaycanda yeganə informasiya texnologiyaları tədrisi verən “ilkaddimlar.com” internet portalının yeni versiyası artıq geniş auditoriyaya açıqdır.

Bu versiyada istifadəçilər nəinki referat və elmi iş yükləyəcək, həmçinin müxtəlif sahələrə aid kitablar və Azərbaycan dilində video dərslikləri izləyəcəklər.
 
Layihənin rəhbəri Rəşad Əliyev açıqlamasında yaxın gələcəkdə universitetlərin nəzdində internet institutları açmaq, informasiya texnologiyaları sahəsində onlayn tədrisin inkişaf etdirilməsi üçün yeni layihələrə başlamaq niyyətində olduqlarını deyib: “Artıq Xəzər Universitetinin nəzdində Xəzər İnternet İnstitutu yaradılıb, Odlar Yurdu Universiteti ilə bu tip institutun yaradılmasına dair danışıqlıqlar gedir”.
 
R. Əliyev bildirib ki, gələcəkdə layihəyə elektron vasitələr və cihazlarla keçirilən tədris formatını əlavə etmək istəyir.
 
Tədbirdə çıxış edən Azərbaycan İnternet Forumunun (AİF) prezidenti Osman Gündüz qeyd edib ki, təhsilin elektronlaşdırılması sahəsində 2008-2012-ci illər üçün nəzərdə tutulan dövlət proqramı gələn il sona çatacaq, lakin belə layihələr növbəti proqramlarda nəzərə alınmalıdır.




Baxış sayı: 2300

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024