12px13px15px17px
Tarix:24/12/11

Bakıda multimedia taksofonları qurulacaq

Gələn ilin may ayında Azərbaycanda keçiriləcək «Eurovision-2012» mahnı müsabiqəsi ərəfəsində Bakı şəhərində yeni multimedia taksofonları quraşdırılacaq.

Bunu Rabitə və İnformasiya Texnologiyaları Nazirliyinin Bakı Telefon Rabitəsi İstehsalat Birliyinin (BTRİB) baş direktoru Beytulla Hüseynov bildirib.

Onun sözlərinə görə, «Eurovision» müsabiqəsi ilə bağlı nazirliyin müvafiq tədbirlər planı mövcuddur ki, bu plana uyğun olaraq hazırda işlər həyata keçirilir: «Biz müsabiqənin keçiriləcəyi yeri alternativ sürətli internetlə təmin edəcəyik. Artıq 3 istiqamətdə - müxtəlif variantlarda kabel çəkilib, avadanlıqlar sifariş olunub».

B.Hüseynov onu da bildirib ki, Bakı şəhərində yeni multimedia taksofonları quraşdırılacaq, şəhərdə mövcud olan bütün taksofonlar yenilənəcək: «Gələn ilin yanvar ayınadək bu məsələnin həll olunacağı gözlənilir. Artıq Bakıda mövcud olan 1 200-ə yaxın taksofonun 150-si dəyişdirilib».



Baxış sayı: 760

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






26 May 2020

25 05 2020