Tarix:28/12/11

Azərbaycanda telekommunikasiya xidmətləri üzrə tariflər 1,3 faiz azalıb

Noyabrda qeydə alınan mobil rabitə xidmətləri üzrə qiymət azalması oktyabrla müqayisədə 1,8 faiz təşkil edib. Bu da ümumilikdə telekommunikasiya sahəsi üzrə tariflərin 1,3 faiz azalmasına təsir edib. Bu barədə Dövlət Statistika Komitəsindən məlumat verilib.

Qeyd edilən dövrdə əhaliyə poçt rabitə xidmətlərinin göstərilməsi üzrə 0,4 faiz bahalaşma qeydə alınıb.
Məlumata əsasən, ilin əvvəlindən noyabra qədər mobil rabitə xidmətləri üzrə tariflərin 5,4 faiz, internet xidmətləri üzrə 11,3 faiz, stasionar telefon rabitə xidmətləri üzrə 1,2 faiz və universal rabitə xidmətləri üzrə 1,2 faiz azalması qeydə alınıb.
 

Baxış sayı: 1207

© İstifadə edilərkən İctnews-a istinad olunmalıdır