İKT

Tarix:09/01/12

Smartfon və planşetlər ilin sonuna kimi “USB 3.0” portu ilə təchiz ediləcəklər

"USB" şini ilə bağlı avadanlıq istehsalçılarını və tərtibatçılarını birləşdirən "USB İmplementers Forum" qeyri-kommersiya təşkilatında hesab edirlər ki, yeni smartfon və planşet modelləri 2012-ci ilin sonuna kimi "USB 3.0" portu ilə təchiz ediləcək.

Hal-hazırda "USB 2.0" portu istifadə olunur. "USB 3.0" portu vasitəsi ilə məlumatların ötürülmə sürəti saniyədə 100 Mbayta (mobil qurğularda) çatacaq.

"Əvvəllər 15 dəqiqə vaxt alan əməliyyat 1 dəqiqə və 10 saniyə tələb edəcək" – "CES 2012" sərgisi çərçivəsində mətbuat konfransında öz çıxışı zamanı "USB İmplementers Forum" qeyri-kommersiya təşkilatının texnologiyalar üzrə direktoru Rəhman İsmayıl bildirib.

Mobil qurğu və kompyuter arasında əlaqə yaradılması üçün "microUSB" portu istifadə olunacaq.

Həmçinin "USB İmplementers Forum" qeyri-kommersiya təşkilatının noutbuklarda istifadə edilən "USB 3.0" portlarının ölçülərinin kiçildilməsi üzərində çalışdığı məlum olub.

Baxış sayı: 1199