12px13px15px17px
Tarix:12/01/12

“Microsoft”un “Bing” axtarış sistemi populyarlığa görə ABŞ-da “Yahoo”nu ötüb

“ComScore” şirkəti bu gün Amerika bazarında axtarış sistemlərinin populyarlığı ilə bağlı dekabr ayının hesabatını dərc edib. Şirkətin məlumatlarına əsasən, 2011-ci ilin son ayında Amerika bazarında “Microsoft”un “Bing” axtarış sistemi “Yahoo”nu ötə bilib.

“ComScore” şirkətinin məlumatına əsasən, “Microsoft” korporasiyasının “Bing” və digər axtarış resursları dekabr ayında 2,75 milyard axtarış sorğusu emal edərək  ilk dəfə “Yahoo”nun ümumi göstəricilərini ötməyi bacarıblar.

“ComScore” şirkəti qeyd edir ki, hal-hazırda “Bing” axtarış sisteminin ABŞ-da payı 15,1% təşkil edir.
Dekabr ayının nəticəsinə əsasən, “Yahoo” axtarış sistemi 2,65 milyard axtarış sorğusu emal edib və onun bazarda payı 14,5% təşkil edir.

Bazarın lideri isə “Google” olaraq qalır. O, ştatlarda 12 milyard sorğu emal edərək 65.9% paya malikdir. “ComScore” veb-monitorinq şirkəti qeyd edir ki, axtarış sorğularının sayı trafik həcminə birbaşa təsir edir, onlar isə öz növbəsində reklam verənlər və axtarış sistemlərinin ümumi gəliri üçün əhəmiyyətli göstəricidir.




Baxış sayı: 1285

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Oktyabr 2021

27 10 2021