12px13px15px17px
Tarix:12/01/12

“Google.earth” kəndlərimizi də erməniləşdirdi

Dünyanın ən tanınmış axtarış sistemi olan "Google" korporasiyasının "Google.earth" proqramı dəfələrlə Azərbaycan ərazilərini Ermənistan ərazisi kimi göstərib. Hər dəfə də Azərbaycanın müdaxiləsindən sonra düzəliş ediblər.

Lakin 2011-ci ildə "Google.earth" proqramında Azərbaycanın işğal edilmiş bütün əraziləri – Dağlıq Qarabağ və ətraf yeddi rayonun, hətta kəndlərinin adları belə erməni adları ilə əvəzlənib.

Rəsmi Bakı bu kimi məsələlərlə bağlı müvafiq addımlar atmaqla yanaşı, dəfələrlə əhaliyə də müraciət edərək hər kəsi bu kimi hallarla mübarizə aparmağa çağırıb.

Zəngilan ziyalıları da bununla bağlı adıçəkilən şirkətə müraciət edib. Müraciətdə bildirilir ki, 2004-cü ilə qədər işğal altında olan ərazilərin adları olduğu kimi qalsa da, 2011-ci ildə Kovsakan kimi göstərilib. Bu azmış kimi, kəndlərin adları da uydurma erməni adları ilə əvəz olunub.

Müraciətdə şirkət rəhbərliyi bu yanlışı düzəltməyə və bu cür həssas məsələlərdə diqqətli olmağa çağırılıb. Məsələ ilə bağlı Rabitə və İnformasiya Texnologiyaları Nazirliyinin mətbuat katibi Müşfiq Əmirov dedi ki, bununla bağlı Azərbaycanın Xarici İşlər Nazirliyinə və "Google" şirkətinə müraciət ediblər.

"Yəqin ki, Xarici İşlər Nazirliyi müvafiq qurumlara müraciət edib. Ancaq biz öz növbəmizdə düzəlişlərin edilməsi üçün şirkətə müraciət etmişik. Bu cür hallar tez-tez təkrarlanır, Azərbaycan tərəfinin müraciətlərindən sonra səhvlər aradan qaldırılır.

Bu kimi halların əvvəlcədən qarşısının alınması mümkün olmur. Azərbaycan Xarici İşlər Nazirliyinin mətbuat xidmətinin rəhbəri Elman Abdullayev isə dedi ki, onlar bununla bağlı müvafiq addımlar atıblar. "Bu mövzuda dəfələrlə bildirmişik ki, biz müvafiq addımları atırıq, lakin əhali də bizə dəstək verməlidir.

Azərbaycanlı internet istifadəçiləri, jurnalistlər, ictimai fəaliyyətlə məşğul olan insanlar bu kimi məsələlərdə aktivlik göstərməlidirlər".

"Dağlıq Qarabağın Azərbaycanlı İcması" İctimai Birliyinin təsisçisi, millət vəkili Həvva Məmmədova isə bildirdi ki, 1936-cı ilə qədər Ermənistan adlandırılan dövlətin ərazilərinin hamısı Azərbaycan adları idi.

"36-cı ildən sonra onlar erməni dilinə çevirdilər. Ancaq o zaman onların yadlarından çıxdı ki, erməni adları qoysunlar. Ermənilər sadəcə Azərbaycan adlarını tərcümə etmişdilər.

Bununla da onlar özlərini bütün dünyada ifşa elədilər. Bu yerlərin hamısı türk mənşəli yer adlarıdır. İrəvanda XX əsrin ortalarından başlayaraq türk mənşəli adlar dəyişdirilib. Yəni 1928-30-cu illərdən sonra adlar dəyişdirilməyə başlayıb.

Dağlıq Qarabağda isə bunu yeni başlayıblar. Onlar bununla sanki dünyaya nəyisə çatdırmaq, Dağlıq Qarabağı erməniləşdirmək siyasəti yürüdürlər. Lakin onların bu istəyi baş tutmayacaq. Çünki bütün bu adlar tarixi kitablarda, fondlarda öz əksini tapıb.

Bundan əlavə, işğal altında olan torpaqlarımızda bizim tarixi-memarlıq abidələrimiz var ki, böyük qurumlarda öz yerini alıb".

H.Məmmədova onu da bildirdi ki, belə halların qarşısını almaq üçün beynəlxalq təşkilatlar, ictimai təşkilatlar, müxtəlif qurumlar, BMT səviyyəsində iş aparılmalıdır.


ucnoqta.az



Baxış sayı: 1564

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






23 Yanvar 2019

22 01 2019

22/01/19
Süni intellektdən istifadə edən şirkətlərin sayı 4 il ərzində 270% yüksəlib

“Gartner”in analitiklərinin məlumatına görə, iş prosesində süni intellektdən istifadə edən şirkətlərin sayı 4 

22/01/19
“Facebook” ucqar rayonlarda internetin təmin edilməsi üçün pilotsuz təyyarələrin sınaqlarını bərpa edib

“Facebook” planetin ucqar rayonlarında interneti təmin etmək üçün günəş batareyası ilə işləyən pilotsuz 

22/01/19
Qan damarlarında hərəkət edən nanorobot yaradılıb

İsveçrə mühəndisləri insanın qan damarları vasitəsilə hərəkət edən nanorobot icad ediblər. Qurğu 

22/01/19
Yeni mobil proqram beyin fəaliyyətini yaxşılaşdırmağa kömək edəcək

Böyük Britaniya alimlərinin yaratdığı “Decoder” mobil əlavəsi konsentrasiya qabiliyyətini artırmağa 

22/01/19
Bu “ağıllı” saat elektrokardioqrama ritmlərinə nəzarət edəcək

“Alphabet”  şirkətinin sağlamlıq bölməsinin əsas fəaliyyət istiqamətlərindən biri “Study Watch” adlı “ağıllı

22/01/19
“Google” şirkəti 50 milyon avro cərimələnib

Fransa Milli İnformasiya və Vətəndaş Azadlığı Komissiyası (CNIL) “Google” şirkətini ötən ilin 

22/01/19
Xərçəng xəstəliyinə qarşı “ağıllı” həblər yaradılacaq

“Proteus” startapı kiçikölçülü sensorlarla təchiz edilmiş "ağıllı həb" istehsalçısı kimi tan

22/01/19
“WhatsApp” istifadəçiləri üçün yeni məhdudiyyət tətbiq edilib

“WhatsApp” messencerində eyni məlumatı beş dəfədən çox göndərmək imkanı məhdudlaşdırılıb