12px13px15px17px
Tarix:13/01/12

“CES 2012”: “Tİ OMAP 5” prosessorları ilə işləyən qurğular ilin sonunda istehsal oluna bilər

“OMAP 5” tərkibinə 2,0 QHz-ə qədər takt tezlikli iki “ARM Cortex-A15”  nüvəsi və aşağı səviyyəli rəqəmli siqnalları idarə etmək və əsas nüvələrə yüklənməni azaltmaq üçün nəzərdə tutulmuş iki “ARM Cortex-M4” nüvəsi daxildir.

Bundan əlavə, mikrosxemlər qrafik mühərrikdən, yüksək dəqiqlikli video emalının sürətlənməsi blokundan, təhlükəsizliyin təmin olunması  vasitələrindən və enerji istehlakını idarə etmə alətlərindən ibarətdir.

“OMAP 5” platforması “3D” məzmunu, videonun 1080p formatında çəkilməsi və baxılmasını, “2D” qrafikanın real vaxt ərzində “3D” qrafikaya çevrilməsini dəstəkləyir. 28 nanometr texnoloji proses üzrə istehsal edilən yeni nəsil prosessorların “3D” materiallarla əməliyyatlar zamanı beşqat məhsuldarlıq  artımı təmin edəcəkləri iddia edilib.

“CES 2012” sərgisində çıxış edən cənab Delaqi bildirib ki, “OMAP 5”  prosessorları ilə işləyəcək ilk istehlak qurğuları dördüncü rübdə istehsal edilə bilər. Lakin çiplərin kütləvi tətbiq olunmasına 2013-cü ilin ilk rübündən  tez başlanılmayacaq.

“OMAP 5” seriyası məhsullarının güclü smartfon, planşet kompyuterləri və digər qurğularda tətbiq olunacağı gözlənilir.




Baxış sayı: 702

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024