12px13px15px17px
Tarix:13/01/12

“İntel” korporasiyası məktəblilərin qayğısına qalır

“İntel” korporasiyası “Classmate PC” portativ kompyuterlərinin təkmilləşdirilmiş konstruksiyasını təqdim edib.
Hal-hazırda Las-Veqasda (Nevada, ABŞ) keçirilən “CES 2012” sərgisində təqdim olunmuş yeni nəsil məktəb netbukları titrəyiş və zərbələrə qarşı çox davamlıdırlar. Avtonom iş müddəti artırılıb: hal-hazırda o, 10 saata çatır.

Artıq Çinin “Lenovo” şirkəti yeni nəsil “Classmate PC” portativ kompyuterini təqdim edib. Kompyuterlərdə “Cedar Trail” aparat platformasının “Atom N2600” prosessoru tətbiq edilib.

Bu 1,6 QHz takt tezliyinə malik çip iki nüvəyə, “DDR3” yaddaş kontrollerinə, həmçinin “DirectX 10.1” proqram interfeysini dəstəkləyən qrafik kontrollerə malikdir.

Netbuklar 2 Qb əməli yaddaş, 320 QB tutuma malik sərt disk və 32 QB tutumlu SSD daşıyıcı, həmçinin veb-kamera ilə təchiz ediliblər. 3 ədəd “USB”-port, “D-Sub” və “HDMİ” interfeysləri var.




Baxış sayı: 1146

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024