İNTERNET

Tarix:21/01/12

Gmail “klaviatura casusları”na qarşı mübarizəni gücləndirir

Google kompaniyası Gmail poçt xidmətində qeydiyyatın yeni formasını yoxlamadan keçirir. Yenilik istifadəçilərə ictimai yerlərdə e-mail ünvanlarına parollarının oğurlanması təhlükəsi olmadan daxil olmaq imkanı verəcək.

“The Verge” bildirir ki, internet-kafelərdə və digər kompyuter əlçatanlığı olan yerlərdə “klaviatura casusları” adlanan proqramlar qurula bilər ki, bununla da loqin və parolları, eləcə də istifadəçiyə aid digər qiymətli məlumatları oğurlamaq mümkündür.

Belə mümkün oğurluqdan qaçmaq üçün Google qeydiyyatın smartfon üzərindən aparılmasını təklif edir. Bunun üçün internet-kafedə kompyuter arxasında əyləşən istifadəçi xüsusi keçiddən istifadə etməlidir.

Bu zaman ekranda QR-kod görünəcək ki, bunu da smartfonun kamerasına köçürmək lazımdır. Smartfon kodu emal edəndə cihazın ekranında Gmail qeydiyyatı üçün səhifə açılacaq.

Bütün məlumatlarını daxil etdikdən sonra istifadəçi Google servisinə telefonla yanaşı, ictimai kompyuterdə də giriş imkanı qazanacaq. Loqin və parol mobil aparatın klaviaturasından daxil edildiyindən, bu zaman onları heç bir risk gözləmir.

Amma onların daxili zamanı smartfon istifadəçisi müdafiəsiz Wi-Fi şəbəkəsinə qoşulmuş olarsa, bu zaman şəxsi məlumatların oğurlanması riski istisna edilmir.Qeyd edək ki, qeydiyyatın yeni forması “Sesame” kodla adlandırılıb.

Baxış sayı: 1273