12px13px15px17px
Tarix:24/01/12

Çili vətəndaşları mobil telefon nömrələrinə mülkiyyət hüququ qazandı

Bütün Çili ərazisində müştərilərin mobil telefon nömrələrinə mülkiyyət hüququ qüvvəyə minib. Bunu dünən axşam ölkə prezidenti Sebastiyan Pinyera bəyan edib. “www.electroname.com” saytının yaydığı xəbərə görə, əvvəllər xidmət göstərən şirkəti dəyişən zaman mobil telefon sahibləri nömrələrindən məhrum olurdular.

“Bundan sonra mobil telefonlar, nömrələri öz istifadəçilərinə məxsus olacaq. Bu, telekommunikasiya sahəsində inqilabi dəyişiklikdir”- deyə S.Pinyera çıxışında bildirib.

O, bu qanunun icrasına nəzarəti Çili Nəqliyyat və telekommunikasiya naziri Pedro Pablo Errasurisa (Pedro Pablo Errаzuriz) həvalə edib. Çili prezidenti hesab edir ki, yenilik müştərilərə nömrəni itirmədən mobil operatorları xidmətinin keyfiyyətinə və qiymətlərinə görə dəyişmək imkanı verir.

Onun fikrinə görə, bu yolla telefon sahibləri bütün əlaqələrini saxlamaq və seçim etmək azadlığını qazanmış olurlar. Qüvvəyə minmiş qanun mobil operatorları da müştəri uğrunda daha böyük cəhdlər göstərməyə təhrik edəcək.

Belə ki, onlar öz müştərilərinə az xərclə yüksəkkeyfiyyətli xidmət təkliflərini genişləndirməli olacaqlar. S.Pinyera hesab edir ki, bu da telekommunikasiya sahəsinin inhisarlardan qorunmasına və yeni “oyunçu”ların meydana gəlməsinə imkan verəcək.

Prezident onu da bildirib ki, bu ilin avqust ayına qədər stasionar telefon nömrələrinə görə də vətəndaşların mülkiyyət hüququ qazanması reallaşacaq.

Qeyd edək ki, həm mobil, həm də stasionar telefon nömrələri üzrə müvafiq sistem ilk dəfə Honkonq və Finlandiyada həyata keçirilib. Hazırda bu sistem 60-dan artıq ölkədə fəaliyyətdədir. Ekspertlərin qiymətləndirmələrinə görə, bu addım telefon danışıqlarının dəyərinin təxminən dörddə birinə qədər aşağı salınmasına imkan verib.




Baxış sayı: 664

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






25 Avqust 2019

24 08 2019

24/08/19
“Silence” haker qruplaşmasının vurduğu ziyan açıqlanıb

“Silence” haker qruplaşmasının bütün dünya üzrə vurduğu ziyan 4,2 milyon dollar təşkil edib. Bu barədə ki

24/08/19
“5G” infrastrukturu sahəsində xərclər 2 dəfə artacaq

“Gartner” analitik şirkəti beşinci nəsil mobil rabitə şəbəkəsi (5G) infrastrukturunun inkişafı üzrə proqn

24/08/19
“Intel” süni intellekt üçün ilk prosessor hazırlayıb

“Intel” şirkəti “Nervana NNP-I” (digər adı Springhill) prosessorunu təqdim edib.