12px13px15px17px
Tarix:27/01/12

İnformasiya texnologiyaları üzrə elmi-praktik jurnalların veb-saytları istifadəyə verilib

AMEA İnformasiya Texnologiyaları İnstitutunun nəşrləri olan “İnformasiya texnologiyaları problemləri” və “İnformasiya cəmiyyəti problemləri” adlı elmi-praktik jurnalların veb-saytları istifadəyə verilib.

Azərbaycan, ingilis və rus dillərində fəaliyyət göstərən veb-saytların hazırlanmasında məqsəd jurnalların fəaliyyətinin effektivliyini artırmaq, beynəlxalq standartların tələblərinə uyğunlaşdırmaq, operativ informasiya xidməti göstərməkdir.

Müəlliflər e-poçt vasitəsi ilə jurnal redaksiyalarının veb-saytlarına məqalə təqdim edə, daxil olan məqalələrin elmi ekspertizadan keçirilmə mərhələləri, verilən rəylər haqqında operativ məlumat əldə edə biləcəklər. Həmçinin, jurnalların elektron arxivi ilə tanış olmaq imkanı yaradılıb.
 
Veb-saytların hazırlanmasında dünyanın aparıcı elmi jurnallarının təcrübəsi və Azərbaycan Respublikası Prezidenti yanında Ali Attestasiya Komissiyasının dövri elmi nəşrlərin işinin təşkilinə dair tövsiyələri nəzərə alınıb. Saytların istifadəyə verilməsi həm də Azərbaycan elminin informasiyalaşdırılmasına, dünya elminə inteqrasiyasına xidmət edir.
 
Qeyd etmək lazımdır ki, “İnformasiya texnologiyaları problemləri” və “İnformasiya cəmiyyəti problemləri” elmi-praktik jurnalları 2010-cu ildə təsis edilib.
 




Baxış sayı: 905

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






26 Oktyabr 2021

25 10 2021