İNTERNET

Tarix:06/02/12

"Eurovision"la bağlı yanlış məlumat yayan saytlar bağlanacaq

"Eurovision 2012" mahnı müsabiqəsi ilə bağlı müxtəlif məqsədlər üçün yaradılan bəzi internet saytları ilə bağlı tədbirlər görüləcək. "İCTnews" elektron xəbər xidmətinin məlumatına görə, bu barədə müsabiqənin təşkilati işlər üzrə rəhbəri Sietse Bekker məlumat verib.

Onun sözlərinə görə, təkcə saytlar deyil, eyni zamanda «Facebook», «Twitter» və digər sosial şəbəkələrdəki qeyri-qanuni olaraq rəsmi ad altında açılan səhifələrlə bağlı addımlar atılacaq.

"Eurovision" müsabiqəsinin rəsmi səhifəsi adı altında fəaliyyət göstərən müxtəlif internet saytlarında və sosial şəbəkələrdə ictimaiyyəti çaşdıran yanlış informasiyaların verilməsinə münasibət bildirən Bekkerin sözlərinə görə, bu problem çox tez-tez baş verir və müxtəlif şəxslər rəsmi ad altında səhifələr yaradır: «Biz bunları aşkar etdikdə onların bağlanması təklifi ilə müraciət edirik. 2012-ci il ərzində 15-ə yaxın səhifənin fəaliyyətinin dayandırılması üçün müraciət edilib».

SEYMUR

Baxış sayı: 1279