12px13px15px17px
Tarix:10/02/12

2011-ci ilin ən yaxşı reklam çarxı “3G Sür@ həddini aşaraq”

“Mak.az” onlayn marketinq jurnalının təşkil etdiyi “İlin ən yaxşı TV reklam çarxı” müsabiqəsinin qalibi “Bakcell” şirkətinin təqdim etdiyi “3G Sür@ həddini aşaraq” reklamı olub.

“Mak.az” jurnalından verilən məlumata görə, müsabiqədə ümumilikdə 15 TV reklamı iştirak edib. Nəticələr həm sosial mediada oxucuların səsləri, həm də ekspertlərin rəyi əsasında 50/50 prinsipi ilə toplanıb. Ekspertlərdən öz işlədikləri şirkət və ya agentliyə səs verməmək şərti ilə 3 namizədə səs vermələri istənilib. “Bakcell”in reklam çarxı 29.87% səslə birinci yerin qalibi olub.

Qeyd edək ki, “3G Sür@ həddini aşaraq” Azərbaycanın reklam bazarında parkur ustalarının iştirakı ilə çəkilmiş ilk reklam çarxıdır. 

Parkur (və ya sərbəst qaçış) ciddi fiziki və əqli hazırlıq tələb edir və marşrutu dərhal seçərək ətrafda olan müxtəlif təbii elementlər üzərindən akrobatik tərzdə tullanıb keçməkdən ibarətdir. 

“Artıq 4-cü ildir ki, biz Azərbaycanda ən yaxşı televiziya reklamını müəyyən etmək üçün sorğular keçiririk. Hər il həm keyfiyyətdə, həm də kəmiyyətdə nəzərəçarpan inkişafı müşahidə etmək bizi sevindirir. İlk illərdə biz seçim prosesini sadəcə “Mak.az” auditoriyası ilə, sonralar sosial şəbəkələrlə məhdudlaşdırırdıq. Bu il isə hər iki auditoriya ilə yanaşı, biz həm də reklam sektorunun ekspertlərinin rəyini öyrəndik. Nəticələr “Bakcell”in sözügedən reklam çarxının daha çox bəyənildiyini göstərdi.

“Mak.az” redaksiyası olaraq biz də bu reklamı çox uğurlu hesab edirik, düşünürük ki, bu, hədəf qrupu üçün çox uyğun seçilmiş kommunikasiya konsepsiyasıdır. Bu uğura görə həm reklam agentliyini, həm də “Bakcell” şirkətini təbrik edirik”,- deyə “Mak.az” onlayn marketinq jurnalının təsisçisi Məmməd Kərimov bildirib.


“Bakcell”in Korporativ əlaqələr şöbəsinin müdiri Vəfa Əsədova sözügedən reklam çarxının çəkilişinə hazırlıq mərhələsində onun tamaşaçılar tərəfindən böyük maraqla qarşılanacağına əmin olduqlarını deyib: “Bu reklam çarxının avstriyalı rejissoru Greg Francois öz işinin peşəkarı və tanınmış rejissor olmaqla yanaşı, ekstremal idman növləri ilə məşğul olur. Reklam çarxında üç nəfər şəxs şəhər landşaftı üzərindən parkur üslubunda hərəkət edib təyinat yerinə ən qısa müddət ərzində çataraq “Bakcell”in “Sür@” xidmətinin yüksək sürətini nümayiş etdirir

Parkur ustalarının bacarıqları adi insanların bacarıqlarından qat-qat üstündür və bizim komandamız əmin idi ki, məhz bu xüsusiyyət “Bakcell”in mobil internetinin qeyri-adi imkanlara yol açdığını vurğulayan ən münasib metaforadır”.

Onu da əlavə edək ki, reklam çarxında çəkilən britaniyalı tanınmış parkur ustaları - Ryan Doyle, Chase Armage və Sam Parham videonu öz rəsmi “YouTube” səhifələrində yerləşdiriblər və qısa müddət ərzində bu çarxı minlərlə insan izləyib.



Baxış sayı: 641

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






25 Avqust 2019

24 08 2019

24/08/19
“Silence” haker qruplaşmasının vurduğu ziyan açıqlanıb

“Silence” haker qruplaşmasının bütün dünya üzrə vurduğu ziyan 4,2 milyon dollar təşkil edib. Bu barədə ki

24/08/19
“5G” infrastrukturu sahəsində xərclər 2 dəfə artacaq

“Gartner” analitik şirkəti beşinci nəsil mobil rabitə şəbəkəsi (5G) infrastrukturunun inkişafı üzrə proqn

24/08/19
“Intel” süni intellekt üçün ilk prosessor hazırlayıb

“Intel” şirkəti “Nervana NNP-I” (digər adı Springhill) prosessorunu təqdim edib.