12px13px15px17px
Tarix:13/02/12

İranlılar elektron poçt və axtarış sistemlərinə çıxışdan məhrum ediliblər

Veb-mənbələrin məlumatına görə, milyonlarla iranlı ümumdünya şəbəkəsinə çıxışla bağlı ciddi çətinliklərlə üzləşib.
Ölkə ərazisində “Google Gmail”, “Yahoo!”, “Mail” və “Microsoft Hotmail” kimi elektron poçt xidmətlərindən istifadə etmək praktik olaraq mümkün deyil. Bəzi xəbər agentliklərinin və xarici axtarış sistemlərinin saytlarına çıxış yoxdur.

Hakimiyyət bu məsələ ilə əlaqədar heç bir rəsmi şərh verməyib. Blok edilmə ehtimal ki, islam inqilabının ildönümünün bayram edilməsi ilə bağlıdır. İslam inqilabı XX əsrin əsas hadisələrindən biridir və bütün dünya üçün böyük tarixi əhəmiyyətə malikdir.

İran ümumdünya şəbəkəsinə 1990-cı illərin əvvəllərində qoşulub. Məlumat üçün qeyd edim ki, İran ümumdünya şəbəkəsinə qoşulmuş ilk müsəlman dövlətidir. İran dövləti o zaman internetə çıxışı yaxşı qarşılamışdı.

Hazırda İran ərazisi üzrə internetdə senzura sistemi fəaliyyət göstərir. Hakimiyyət milli internet ideyasını dəstəkləyir: hesab edilir ki, İran kibersahəsinin digər dövlətlər ilə əlaqəsinin kəsilməsi internet üzərindəki nəzarət üçün aparılan mübarizəyə son qoyacaq.





EMİL





Baxış sayı: 998

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






23 Oktyabr 2021

22 10 2021