Tarix:14/02/12

Azərbaycanda 100-dən artıq internet mağaza var

Bu gün Azərbaycanda 100-dən çox şirkətin saytında hər hansı bir xidmət və məhsulu internet üzərindən almaq olar.
Bu barədə elektron ödəniş sistemlərinin qurulması ilə məşğul olan «Golden Pay» şirkətinin direktoru Fərid İsmayılzadə bildirib.

Onun sözlərinə görə, hazırda internet vasitəsilə demək olar ki, bütün mobil operatorların saytına daxil olmaqla danışıq haqqı ödəmək, kontur almaq və bütün kommunal xidmətlərin haqqını plastik kartla ödəmək mümkündür.

Paralel olaraq elektron ticarətin həcmi də artmaqdadır. F.İsmayılzadənin sözlərinə görə, dekabr ayında təkcə kütləvi ödənişlər üçün yaradılmış hesab.az saytı vasitəsilə 2 mln. manata yaxın internet ödəmələr həyata keçirilib.

Hazırda hesab.az-ın 8200 istifadəçisi var ki, yaxın vaxtlarda bunun 20-25 minə çatacağı gözlənilir.
Şirkət direktorunun sözlərinə görə, ölkədə elektron ödəmələri populyarlaşdırmaq üçün əsas məsələlərdən biri əhalinin elektron vərdişlərə yiyələnməsidir.

Baxış sayı: 2479

© İstifadə edilərkən İctnews-a istinad olunmalıdır