İKT

Tarix:21/02/12

Azərbaycanın kabel TV operatoru online-ödəniş sisteminin üç növünü işə salır

AG Telekom (KATV1 brendinin sahibi) öz abonentlərinə online-ödəniş sistemlərinin üç növünü təqdim edir. Bu barədə KATV1-in mətbuat katibi Hüseyn Hüseynzadə məlumat verib.

H.Hüseynzadənin sözlərinə görə, abonentlər rəqəmsal yayım və internet xidmətlərini Azericard online-ödəniş sistemləri, Komtec ödəniş terminalları və NetMoney ödəniş kartları vasitəsilə ödəyə biləcəklər.
"Hazırda ödəniş sistemlərinin birləşdirilməsi üzrə texniki işlər görülür.

NetMoney və Azericard ödəniş sistemlərinin işə salınması üçün artıq işlər başaçatma mərhələsindədir və onların yaxın vaxtlarda işə salınacağı gözlənilir. Martın əvvəlində KATV1 şəbəkəsinin abonentləri xidmətlərin haqqını Komtec (Paypoint ödəniş terminalları) sistemi vasitəsilə də ödəyə biləcəklər", - Hüseynzadə deyib.

KATV1 öz xidmətlərinin online-ödənişini ilk işə salanlardandır və hazırda KATV1 rəqəmsal abonentləri xidmətlərin haqqını şirkətin bütün filiallarında, inkassatorlar vasitəsilə, bankların (Dəmir Bank, UniBank, Expressbank, ZaminBank, Access Bank, ASB Bank, AzerTurkBank, RabitaBank, XalqBank, MuganBank, Bank of Azerbaijan, Bank Standard, AGBank, NikOil, SW Bank, NBC Bank, Amrah Bank, RoyalBank, AtaBank, Bank Respublika, Bank of Baku, Nakhchivan, Bank, PashaBank, Texnika Bank, Turan Bank, YapiKrediBank) bütün filiallarında və ödəniş kartları ilə internet vasitəsilə həyata keçirilə bilərlər.

Hüseynzadənin sözlərinə görə, yaxın vaxtlarda şirkət rəqəmsal yayımın əlavə paketinə qoşulmaq üzrə ərizələrin qəbulunun elektron xidmətini işə salacaq.

Baxış sayı: 1522