Tarix:24/02/12

Əhaliyə göstərilmiş informasiya və rabitə xidmətlərinin payı artıb

Azərbaycanın informasiya və rabitə sektoru inkişaf sürətinə görə cari ilin əvvəlində də iqtisadiyyatın digər sahələrini qabaqlamış, yanvar ayında təsərrüfat subyektlərinə və əhaliyə 98,4 milyon manatlıq və ya 2011-ci ilin müvafiq ayına nisbətən müqayisəli qiymətlərlə 21,8 faiz çox xidmət göstərilib. Əhaliyə göstərilmiş informasiya və rabitə xidmətlərinin payı 72,9 faiz təşkil edib.

Dövlət Statistika Komitəsindən verilən məlumata görə, xidmətlərdən əldə olunmuş gəlirlərin 60 faizi mobil telefon rabitəsindən yaranmış və keçən ilin yanvar ayı ilə müqayisədə bu xidmətlərin həcmi 20,5 faiz artaraq 59 milyon manat təşkil edib.
                                              
 

Baxış sayı: 1121

© İstifadə edilərkən İctnews-a istinad olunmalıdır