TƏHLÜKƏSİZLİK

Tarix:07/03/12

“Anonymous” haker qruplaşması antivirus şirkətinin saytını “sındırıb” (ViDEO)

“İCTnews” elektron xəbər xidməti xəbər verir ki, “Lulzsec” haker qruplaşması iştirakçılarının həbs edilməsindən dərhal sonra “Anonymous” haker qruplaşması “Panda Security” antivirus şirkətinin veb-saytını “sındırıb”.

Məlumat üçün bildirim ki, bu hadisədən bir neçə saat əvvəl ABŞ “FTB”-si (Federal Təhlükəsizlik Bürosu) və İrlandiya polisi “LulzSec” haker qruplaşmasının 5 üzvünün həbs edilməsi haqqında məlumat vermişdi. Həm də mətbuatda yayımlanmış xəbərə görə “Panda Security” antivirus şirkəti hakerlərin ələ keçirilməsində hüquq-mühafizə orqanlarına kömək göstərib.

"Anonymous qruplaşması “LulzSec”-dən əvvəl mövcud idi və onlardan sonra da mövcud olacaq" – “Panda” şirkətinin saytında “sındırılmış” veb-səhifələrdə qeyd olunub.
Monitorinq məlumatlarına əsasən, hakerlər “Panda” serverlərində cəmi 36 səhifə “sındırıblar”.

EMİL

Baxış sayı: 1017