TƏHLÜKƏSİZLİK

Tarix:06/04/12

Məşhur sosial şəbəkə spammerlərlə mübarizə aparmağa başlayıb

“Twitter” mikrobloqlar xidməti spamla mübarizə üçün nəzərdə tutulmuş növbəti addımlar atıb. Şirkət “Twitter”-də spam üçün 5 ən aktiv proqram istehsalçısına qarşı iddia qaldırıb. Xidmət, həmçinin bu proqram təminatının yaradılmasının arxasında duran insanlara qarşı iddia irəli sürüb.

“İCTnews” elektron xəbər xidməti bildirir ki, “Twitter”-in əməkdaşları arasında kibertəhlükəsizlik üzrə mütəxəssislərin olmasına baxmayaraq, şirkət spamla mübarizəni məhkəmə müstəvisinə keçirtməyə qərar verib.

Şirkət bloqunda San-Fransisko məhkəməsinə verilmiş iddiaya görə cavabdehlər sırasına kimin daxil olmasını qeyd etməyib.
“Twitter” xidmətindən bildirilib ki, onların iddiası hər şeydən əvvəl, spam və ziyanverici istinadları yaymağa imkan verən proqram istehsalçılarına qarşı yönəlib.

Məlumat üçün bildirim ki, hazırda “Twitter” mikrobloqlar xidmətində aktiv istifadəçilərin sayı 140 milyonu ötür. Onlar hər gün 340 milyondan çox tvit göndərirlər.

EMİL

Baxış sayı: 1410