TƏHLÜKƏSİZLİK

Tarix:10/04/12

İran qlobal şəbəkədən ayrılmaq niyyətindədir

İran hakimiyyəti ölkə internetini qlobal şəbəkədən ayırmaq yolu ilə vətəndaşlarını “müdafiə” etmək planı haqqında bildirib. Rəsmi Tehranın planına görə, ölkə internetini qlobal şəbəkədən ayırmaqla dövlətin sənaye və digər obyektləri xarici haker hücumlarından müdafiə olunacaq, virusların yayılmasının qarşısı alınacaq və ən əsası İran istifadəçiləri “təmiz” internetə malik olacaqlar.

“İCTnews.az” elektron xəbər xidməti “cybersecurity.ru” saytına istinadən bildirir ki, İran hakimiyyəti "təmiz internet" adı altında “Twitter”, “Gmail”, “Facebook” və oxşar xidmətlərə çıxış imkanının olmamasını nəzərdə tutur. İran dövləti onları şəxsi xidmətləri ilə əvəz etməyi planlaşdırır.

İran Respublikasının Telekommunikasiya Nazirliyinin dünənki bəyanatında bildirilib ki, 2012-ci ilin avqustuna kimi İranda bütün internet-provayderlər və şəbəkə xidmətlərinin bütün təchizatçıları yerli olmalıdır.

Bəyanatda İran istifadəçilərinin xarici saytlara çıxış imkanının olub-olmaması haqqında heç bir məlumat verilməyib. Məlumat üçün bildirim ki, İranda bundan əvvəl xarici saytların "ağ siyahı”sı hazırlanmışdı və o siyahıda mövcud olan saytlara giriş mümkün idi.

EMİL

Baxış sayı: 1580