12px13px15px17px
Tarix:11/04/12

Britaniyalı haker “Nokia” şirkətinin 8 milyon hesabını ələ keçirib

“G-Zero” ləqəbi ilə tanınan 23 yaşlı Edvard Pirson haker fəaliyyətinə görə ömrünün 2.2 ilini barmaqlıq arxasında keçirəcək. Britaniyalı hakerin 2010-cu il yanvarın 1-dən 2011-ci il avqustun 30-na kimi dövr ərzində Birləşmiş krallıq sakinlərinin məxfi məlumatlarını oğurlamaq üçün “Zeus” və “SpyEye” troyanlarından istifadə etdiyi bildirilib.

“İCTnews.az” elektron xəbər xidməti “3dnews.ru” saytına istinadən bildirir ki, polis onun kompyuterini yoxlayarkən 200 min oğurlanmış “PayPal” hesabı, 2701 ədəd bank kartı və s. aşkar edib. Hakimiyyət bildirib ki, əgər kibercinayətkarın topladığı bütün məlumatları çap etmək ehtiyacı yaransa, o zaman 65,5 min ədəd ikitərəfli “A4” vərəqi lazım olacaq.

O, “Nokia” və “AOL” şəbəkələrini maraq xatirinə “sındırıb” və bir çox əməkdaşların fərdi məlumatlarını köçürüb. Bundan sonra “Nokia” şirkətinin daxili şəbəkəsi 2 həftəlik bağlanmışdı. Hüquq-mühafizə orqanları qeyd edib ki, gənc oğlan əla bacarıqlara malikdir, lakin onlardan düzgün istifadə etmir. Onun “Zeus” troyanı və digər ziyanverici proqram təminatının müəllifi olduğu bildirilib.
 
EMİL




Baxış sayı: 1270

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






17 İyun 2019

16 06 2019