TƏHLÜKƏSİZLİK

Tarix:28/04/12

Antivirus bazarında sabit artım müşahidə olunur

“Garthner” analitik şirkətinin məlumatına görə, kompyuter təhlükəsizliyinin təmin edilməsi üçün nəzərdə tutulmuş proqram təminatı bazarının həcmi 2011-ci ilin nəticəsinə görə 17,7 milyard dollar təşkil edib.

“İCTnews.az” elektron xəbər xidməti “dailycomm.ru” saytına istinadən bildirir ki, “Gartner” şirkətinin analitiki Ruccer Kontunun sözlərinə görə, 2011-ci ildə antivirus bazarında qeydə alınmış artım istehlak və korporativ səviyyəli İT təhlükəsizlik həllərinə tələbatın artması ilə bağlıdır. "Ümumi artıma baxmayaraq, bəzi regionlarda artım 10 faiz həddini ötməyib" - ekspert bildirib və əlavə edib ki, ümumilikdə antivirus proqram təminatı bazarında sabit artım müşahidə olunur.

“Gartner” analitik şirkətinin məlumatına görə, “Symantec” şirkəti antivirus bazarının lideridir. Şirkət 2011-ci ildə məhsullarının satışından 3,65 milyard dollar qazanıb. Bu, şirkətin keçənilki göstəricisindən 17 faiz yuxarıdır. Nəticədə “Symantec” şirkətinin bu seqmentdəki payı 20,6 faizə çatıb.

“McAfee” antivirus şirkəti antivirus proqram təminatının satışlarından əldə edilən gəlirə görə ikinci yerdə qərarlaşıb. Məlumat üçün bildirim ki, 2011-ci ilin əvvəlində “İntel” korporasiyası “McAfee” antivirus şirkətini 7,68 milyard dollara satın alıb.İlk beşlikdə, həmçinin “Trend Micro”, “IBM” və “EMC” şirkətləri də yer alıblar.

EMİL

Baxış sayı: 1508