TƏHLÜKƏSİZLİK

Tarix:11/05/12

Hollandiyada piratçılığa qarşı mübarizə güclənib

Ən böyük pirat torrent-treker (torrent - fayl paylaşımı üçün şəbəkə protokolu) olan “The Pirate Bay”a qarşı hücumlar davam edir. “İCTnews” elektron xəbər xidmətinin “pitbit.ru” saytına istinadən verdiyi məlumata görə, Haaqa məhkəməsinin qərarına əsasən, bütün holland provayderləri öz abunəçiləri üçün blok etməlidirlər.

Qərara əməl etməyən provayderləri 250 min avro cərimə gözləyir. Lakin ölkə provayderlərinin nümayəndələri bildirirlər ki, onlar məhkəmənin qərarından şikayət etməyə hazırlaşırlar.

Qeyd edək ki, torrent-treker “The Pirate Bay”la aktiv mübarizə Hollandiyada hələ 2010-cu ildə “BREIN Foundation” qrupunun antipirat üzvləri tərəfindən başlanıb. Haaqa məhkəməsinin qərarı elan olunduqdan sonra bu qrupun saytı treker tərəfdarlarının, o cümlədən “Anonymous”un məşhur hakerlərinin hücumu nəticəsində dağıdılmışdı.

Xatırladaq ki, bir neçə gün əvvəl Böyük Britaniyanın Ali Məhkəməsi də milli provayderləri ölkə ərazisində “The Pirate Bay”ı bloklamağa məcbur edib.

CAHANGİR

Baxış sayı: 791