12px13px15px17px
Tarix:14/06/12

Almaniyada haker qruplaşması üzvlərinin evlərində axtarış aparıblar

Almaniyada polislər “Anonymous” haker qruplaşmasının üzvləri ehtimal edilən iştirakçıların evlərində axtarış aparıblar. Buna səbəb 2011-ci ilin dekabrında Almaniyanın müəllif hüquqlarının müdafiəsi üzrə “GEMA” təşkilatının serverinə edilən kiberhücum olub.

“İCTnews.az” elektron xəbər xidməti “vesti.ru” saytına istinadən  bildirir ki, “GEMA” saytına kiberhücumun təşkil edilməsində 106 insan şübhəli bilinir. Axtarışlar iyunun 12 və 13-də Almaniyanın eyni anda 4 federativ torpağında – Berlin, Baden-Vürtemberq, Hessen və Şimali Reyn-Vestfaliyada aparılıb. “GEMA”-nın kompyuter təhlükəsizliyi üzrə mütəxəssisləri hakerlərin İT ünvanlarını toplamış və onları hüquq-mühafizə orqanlarına veriblər.

"GEMA həmişə hakerlərin diqqət mərkəzindədir, biz artıq onların hücumlarına öyrəncəliyik, lakin 2011-ci ilin dekabrında edilmiş hücumun yaratdığı problemlər həm müştərilərə, həm də  əməkdaşlarımıza ziyan vurub" – Almaniyanın müəllif hüquqlarının müdafiəsi üzrə təşkilatın nümayəndəsi bildirib.
“Anonymous” ən böyük haker hərəkatı hesab edilir, lakin bu qruplaşmanın strukturu haqqında dəqiq məlumat yoxdur.


 
EMİL




Baxış sayı: 608

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






18 İyun 2018

17 06 2018