TƏHLÜKƏSİZLİK

Tarix:20/06/12

Məşhur virusu hazırlayan ölkələr məlum oldu

ABŞ və İsrail məlumatın toplanılması üçün nəzərdə tutulmuş “Flame” casus virusunu birgə hazırlayıblar. Bu barədə adlarının naməlum qalmasını istəyən qərb məmurlarına istinadən “Washington Post” qəzeti məlumat verib.

“İCTnews.az” elektron xəbər xidməti “compulenta.ru” saytına istinadən bildirir ki, qəzetin mənbələri iddia edir ki, “Flame” virusunu ABŞ-ın Milli Təhlükəsizlik agentliyi, MKİ (Mərkəzi Kəşfiyyat İdarəsi) və İsrail hərbçiləri yaradıb.

Nəşr, ehtimal ki, ABŞ-ın maraqlarına ziyan vuracaq, çünki Amerika hakimiyyəti ictimaiyyətdə kibersilahlanma yarışının məhdudlaşdırılmasını fəal surətdə dəstəkləyir.

“Flame” virusu haqqında İranın mühəndisləri neftayırma zavodlarına edilmiş hücumu aşkar etdikdə məlum olub. İranın həyata keçirdiyi əks-tədbirlər nəticəsində “Flame” virusu aşkar edildi.

Məlumat üçün bildirək ki, “Flame” virusunun hazırlanmasında dünya səviyyəli kriptoqraf və riyaziyyatçıların nailiyyətlərindən istifadə edilib. O, hətta ən təhlükəsiz şəbəkələrdə belə kompyuterdən kompyuterə keçmək xüsusiyyətinə malikdir. Sistemi yoluxduran virus mikrofon, kamera və “Bluetooth”a çıxış əldə edir.

EMİL

Baxış sayı: 1392