TƏHLÜKƏSİZLİK

Tarix:10/01/13

Yeni troyanlar proqramlardan parolları oğurlayır

Bu gün e-mail istifadəçilərinin qarşılaşdıqları kütləvi problemlərdən biri də tanımadıqları ünvanlardan kütləvi şəkildə məktubların daxil olmasıdır. İş orasındadır ki, bu məktublar təkcə reklam xarakteri daşımır. Eyni zamanda tanınmayan ünvanlardan gələn e-maillər özləri ilə həm viruslar gətirir, həm də məktuba daxil olunan zaman ünvanın parollarını oğurlaya bilir və bununla da hakerlər şəxslərin məktublaşdığı prosesə nəzarət edə bilirlər.

"ICTnews" elektron xəbər xidmətinin məlumatına görə, «Doktor Veb» şirkəti şəbəkədə kütləvi poçt göndərişlərini qeydə alıblar. Şirkət aydınlaşdırıb ki, hakerlər istifadəçilərin kompüterini birbaşa olaraq troyan ilə yoluxdurur və bu da bir çox tətbiqi proqramlardan parolların oğurlanmasına gətirib çıxarır. Mütəxəssislər bildirirlər ki, internet istifadəçiləri 2012-ci ilin 26-28 dekabr tarixlərində troyan ilə olan zərərverici məktub almağa başlayıblar.

Məktubun mətnində müəyyən bir hesabı ödəmək tələb olunur. Bundan başqa, elektron poçtun məktubun özünə «zip»də arxiv daxildir. Bu troyan parol oğurlamaq üzrə konstruktor olan UFR Stealer tərəfindən yaradılıb. Belə bir konstruktor tərəfindən yaranan troyan populyar brauzerlərin çoxundan parol oğurlaya bilir. Ona görə də e-mail istifadəçiləri son dərəcə ehtiyatlı olmalıdırlar. Tanınmayan ünvanlardan gələn e-mailləri açmamalıdırlar.

SEYMUR

Baxış sayı: 896