İNTERNET

Tarix:25/04/13

“WWDC” tədbirinin keçiriləcəyi tarix məlum olub

“Apple” şirkətinin təşkilatçılığı ilə keçirilən tərtibatçıların illik ümumdünya konfransı (Worldwide Developers Conference, WWDC) bu il iyunun 10-dan 14-dək San-Fransiskonun “Moskone West” sərgi mərkəzində keçiriləcək.

Aprelin 25-dən etibarən Amerika şirkətinin saytında “WWDC” tədbiri üçün biletlərin satışına başlanılacaq. “ICTnews.az” elektron xəbər xidməti “lenta.ru” saytına istinadən bildirir ki, konfrans adətən “Apple”-ın direktorunun çıxışı ilə başlayır.

“Alma” şirkəti çox vaxt “WWDC” tədbirindən yeni məhsullarının elanı üçün meydança kimi istifadə edir. 2013-cü ildə sözügedən şirkətin konfransda “OS X” və “iOS” əməliyyat sistemlərinin yeni versiyalarını təqdim edəcəyi gözlənilir.

Emil Hüseynov

Baxış sayı: 1028