İKT

Tarix:10/05/13

Azərbaycanda elektron ticarət dövriyyəsinin həcmi iki dəfə artıb

Azərbaycanda bu ilin əvvəlindən pərakəndə ticarət bazarında əhaliyə 5,9 milyard manatlıq və ya ötən ilin eyni dövrü ilə müqayisədə 9,4% çox əmtəə satılıb.

Dövlət Statistika Komitəsindən “ICTnews” xəbər xidmətinə verilən məlumata əsasən, bu ilin yanvar-aprel aylarında elektron pərakəndə ticarət dövriyyəsinin həcmi 2012-ci ilin müvafiq dövrünə nisbətən 1,9 dəfə artaraq 700,8 min manat təşkil edib, satışın 87,8%-i hüquqi şəxslərin, 12,2 %-i fərdi sahibkarların hesabına reallaşmışdır.

Əhalinin onlayn rejimi vasitəsi ilə istehlak mallarının alınmasına ödədikləri vəsaitin 93,9%-i qeyri-ərzaq mallarının alınmasına sərf edilib.

Əmtəə bazarında satılmış məhsulların 3,2 milyard manatı ərzaq, 2,7 milyard manatı qeyri-ərzaq mallarının hesabına formalaşmış, qeyri-ərzaq məhsullarının xüsusi çəkisi artıb.

Aynur Vəliyeva

Baxış sayı: 741