TƏHLÜKƏSİZLİK

Tarix:08/08/11

Azərbaycan “Win32/Hodprot” troyan proqramına yoluxan ölkələr arasında 5-ci yeri tutub

Azərbaycan ilin əvvəlindən “Win32/Hodprot” troyan proqramının geniş yayılması qeydə alınan ölkələr arasında beşinci yeri tutub. Bu barədə “ESET” şirkətinin məlumatında deyilir.
“Win 32/Hodprot” troyan proqramı kompyuterə distans bank xidmətinin göstərilməsi sistemlərinə yönələn müxtəlif növ pisniyyətli proqram təminatının yüklənməsi üçün nəzərdə tutulub. “Win 32/Hodprot” troyan proqramına yoluxan ölkələrin ilk üçlüyünə Rusiya, Ukrayna və Qazaxıstan daxildir. Orada bank troyan ailəsinin digər fəallıqları var. Bu, ilk növbədə regionlarda eyni bank proqram təminatından istifadə edilməsi ilə əlaqədardır. “ESET” şirkətinin Virus Tədqiqatları və Analitik Mərkəzinin məlumatına görə, həm ev istifadəçisi, həm də hüquqi şəxslər üçün daha çox təhlükə törədən kibertəhdidlər maliyyə vəsaitlərinin oğurlanmasına yönələn zərərli proqramlar olmaqda qalırlar.
Zərərverici proqramlar dərhal yüklənəndən və işə salınandan sonra müstəqil şəkildə ləğv olunan, ya da fəallaşan analoqlarından fərqli olaraq, “Win 32/Hodprot” sistemdə uzun müddət mövcudluğa hesablanıb. Sistemə bu troyan instalyasiya olunan zaman tətbiq olunan çoxlu komponentlər hesabına o, uzun müddət nəzərəçarpmaz qala bilir. Bundan başqa, bu zərərli proqramda sistemi yoluxdurduğu kriminal ekspertizanı xeyli çətinləşdirən funksiya da var.
“Win 32/Hodprot”a yüklənən bütün zərərli komponentlər şifrələnmiş şəkildə reyestrin xüsusi yaradılan açarında saxlanılır. Bu, sistemə sirayət edən zaman diskdə şübhəli faylları aşkarlamağa imkan vermir. Bundan başqa, troyanları idarəetmə sisteminə yaxşı seçilməyən və uzaqməsafəli qarşılıqlı əlaqə prosesi üçün qeyri-standart alqoritm şifrlərində istifadə edirlər.

Baxış sayı: 29063