TƏHLÜKƏSİZLİK

Tarix:05/08/13

Vyetnam sosial şəbəkələrdə xəbərləri yaymağı qadağan edib

Vyetnam hökuməti internet istifadəçilərinə bloq və sosial şəbəkələrdə fərdi informasiyadan başqa istənilən digər məlumatı yerləşdirməyi qadağan edən qanun çıxarıb. Bu barədə yerli KİV yazır.

Yeni qanuna əsasən, internetdə xəbər nəşrlərinin, hökumət saytlarının informasiyasını bölüşmək qadağandır. Şəxsi səhifə istifadəçinin öz bloqu və ya sosial şəbəkədəki səhifəsi hesab edilir. Bununla yanaşı, məlumatı kompilyasiya etmək və xülasə vermək də qadağan edilib.

Qanun internetdə yalan məlumatların yayılmasının qarşısını almağa imkan verəcək, - deyə informasiya və kommunikasiya üzrə nazir müavini Le Nam Çanq bildirib. Onun sözlərinə görə, şəxsi səhifə və sosial şəbəkələrdə səhifə sahiblərinə media agentliklərinin informasiyasından yararlanaraq istifadə etmələri qadağan edilir.

Eyni zamanda, Vyetnamın işgüzar jurnallarından birinin rəhbəri Nquen Van Fu hesab edir ki, qəbul edilmiş qərarın mahiyyətindən belə aydın olur ki, qadağa yalnız sosial şəbəkədə istifadəçinin öz səhifəsində xəbərdən sitat gətirməsinə şamil olunur, xəbər resursuna istinad qoymağa aid edilmir.
Yeni qanunun sentyabrın 1-dən qüvvəyə minəcəyi gözlənilir, - "Digit www.digit.ru" yazır.

Baxış sayı: 773