12px13px15px17px
Tarix:14/10/13

Braziliya vətəndaşları daha təhlükəsiz elektron poçtdan istifadə edəcək

Braziliya hökuməti təhlükəsiz elektron poçtun hazırlanmasına başlayıb. Nəticədə rəsmi yazışmalar Amerikanın xüsusi xidmət orqanlarından gizlədilmiş olacaq. “Agence France-Presse” agentliyinin məlumatına görə, bu barədə oktyabrın 13-də ölkə prezidenti Dilma Russef deyib.

Prezidentin sözlərinə görə, təhlükəsiz poçtun hazırlanması məxfilik və rəsmi yazışmaların toxunulmazlığı istiqamətində atılmış ilk addım olacaq.

“ICTnews” elektron xəbər xidməti “lenta.ru” saytına istinadən bildirir ki, Amerikanın Milli Təhlükəsizlik Agentliyi tərəfindən vətəndaşların elektron yazışmalarının izlənilməsi barədə xəbər yayıldıqdan sonra Braziliya hakimiyyəti elektron təhlükəsizliyin gücləndirilməsi istiqamətində addımlar atmağa başlayıb. Məsələn, Russeff BMT-ni onlayn məkanda insan hüquqlarının müdafiəsi imkanını yaradacaq internetin tənzimlənməsi sistemini hazırlamağa səsləyib. Bundan başqa, Braziliyada istifadəçilərin fərdi məlumatlarının ölkə daxilində yerləşdirilmiş serverlərdə saxlanılmasını nəzərdə tutan qanun layihəsinin  hazırlanmasına başlanılıb.

Emil Hüseynov
 



Baxış sayı: 724

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024